ନୟାଗଡ: ନୟାଗଡ ନାବାଳିକା ହତ୍ୟା ମାମଲାରେ ଏସଆଇଟି ଦ୍ବାରା ଗିରଫ ନାବାଳକ ଅଭିଯୁକ୍ତର ହେବନି ନାର୍କୋ ଆନାଲିସିସ ଟେଷ୍ଟ । ନାର୍କୋ ଟେଷ୍ଟ ପାଇଁ ଅଭିଯୁକ୍ତ ମନା କରିବାରୁ ନାର୍କୋ ଆନାଲିସିସ ଟେଷ୍ଟ ପାଇଁ ଅନୁମତି ମିଳି ନଥିବା ଜଣାପଡିଛି ।
ନାର୍କୋ ଟେଷ୍ଟ ଲାଗି ଏସଆଇଟି ପକ୍ଷରୁ ଆବେଦନ କରାଯାଇଥିବା ବେଳେ ନାବାଳକ ଜଣକ କିନ୍ତୁ ଏଥିପାଇଁ ନିଜ ଅସହମତି ପ୍ରକାଶ କରିଥିଲେ । ଅନ୍ୟପଟେ ନାବାଳକ ଅଭିଯୁକ୍ତ ଠାରୁ ଜବତ ହୋଇଥିବା ମୋବାଇଲ ପରୀକ୍ଷା ପାଇଁ ଗୁଜୁରାଟ ସେଣ୍ଟ୍ରାଲ ଫରେନସିକ ଲ୍ୟାବକୁ ଯାଇପାରେ ବୋଲି ସୂଚନା ମିଳିଛି। ।
ମୋବଇଲରେ କ'ଣ ରହିଛି, ଜାଣିବାକୁ ଚାଁହୁଛି ଏସଆଇଟି l ସେଥିପାଇଁ ମୋବାଇଲକୁ ଲାବୋରଟୋରୀକୁ ପଠାଇବା ପାଇଁ ଜୁଭେନାଇଲ ଜଷ୍ଟିସ ବୋର୍ଡରେ ଆବେଦନ କରିଛି ଏସଆଇଟି l ଏ ନେଇ କୋର୍ଟ ଶୁଣାଣି କରିବା ସହ ରାୟ ସଂରକ୍ଷିତ ରଖିଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
