ନୟାଗଡ: ଇଟାମାଟି ଥାନା ଜଗତିପାଟଣା ସାହିର ଏକ 5 ବର୍ଷର ଶିଶୁକନ୍ୟାକୁ ସେହି ଗାଁର ଜଣେ ଯୁବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏନେଇ ପୀଡିତା ନାବାଳିକାଙ୍କ ବାପା ଥାନାରେ ଅଭିଯୋଗ କରିଛନ୍ତି ।
ଭିଡିଓ ସୌଜନ୍ୟ : ପ୍ରତିନିଧି,ନୟାଗଡ
ଅଭିଯୋଗ ଅନୁସାରେ, ସେହି ଗାଁର 22 ବର୍ଷୀୟ ଯୁବକ ଗୁଣ୍ଡୁରୀ ବେହେରା ଉକ୍ତ ଶିଶୁ କନ୍ୟାକୁ ପ୍ରଲୋଭନ ଦେଖାଇ ଏକ ନିଛାଟିଆ ସ୍ଥାନରେ ଦୁଷ୍କର୍ମ କରିଥିଲା । ମାତ୍ର ରବିବାର ରାତିରେ ଶିଶୁ କନ୍ୟାକୁ ଯନ୍ତ୍ରଣା ହେବାରୁ ସେ ନିଜ ମାଆଙ୍କ ସାମ୍ନାରେ ସବୁ କଥା କହିଥିଲା ।
ଏହାପରେ ଶିଶୁର ପିତା ଇଟାମାଟି ଥାନାରେ ଲିଖିତ ଅଭିଯୋଗ କରିଛନ୍ତି । ପୋଲିସ ପୀଡିତା ଶିଶୁ କନ୍ୟାକୁ ଡାକ୍ତରୀ ମାଇନା ପାଇଁ ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଥିବା ବେଳେ ଅଭିଯୁକ୍ତକୁ ପୋଲିସ ଅଟକ ରଖି ତଦନ୍ତ ଚଳାଇଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
