ନବରଙ୍ଗପୁର: ସ୍କୁଲ ପରିସର ମଧ୍ୟରୁ ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର । ମହାଦେବ ସ୍କୁଲ ପରିସର ମଧ୍ୟରେ ଆଜି (ଶନିବାର) ଝୁଲନ୍ତା ଅବସ୍ଥାରେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ସ୍କୁଲ ରାସ୍ତା ଦେଇ ଯାଉଥିବା କିଛି ବ୍ୟକ୍ତି ଯୁବକଙ୍କ ମୃତଦେହ ଦେଖି ଘଟଣା ବାବଦରେ ପୋଲିସକୁ ସୂଚନା ଦେଇଥିଲେ ।
ସ୍କୁଲ ପରିସରରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
ସୂଚନା ପାଇ ଘଟଣାସ୍ଥଳରେ ନବରଙ୍ଗପୁର ଟାଉନ ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଥିବାବେଳେ ମୃତ୍ୟୁର କାରଣ ଜାଣିବାକୁ ତଦନ୍ତ ଜାରି ରଖିଛି । ସୂଚନାନୁସାରେ ମୃତ ଯୁବକ ଜଣକ ନବରଙ୍ଗପୁର ସହର ଧୋବା ସାହିର ରଞ୍ଜିତ ନାୟକ ବୋଲି ଜଣାପଡିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
