ନବରଙ୍ଗପୁର: ମକାର ଅଭାବି ବିକ୍ରି । ଯାହାକୁ ନେଇ ଚିନ୍ତାରେ ପଡିଛି ଚାଷୀ । ଖରାଟିଆ ମକା ଅମଳ ସରିଯାଇଛି । ଖଳାରେ ଶହ ଶହ କୁଇଣ୍ଟାଲ ମକା ଗଦା ହୋଇଛି । ଏସବୁ ମକା କ୍ଷେତରୁ ଆଣିବା ପରେ ବିକ୍ରି କରିବା ଲାଗି ଅନେଇ ବସିଛି ଚାଷୀ । ହେଲେ,ମଣ୍ତି ଖୋଲିନାହିଁ । କରଜ କରି ମକା ଚାଷ କରିଥିବା ଚାଷୀ ମଣ୍ତି ଖୋଲି ନଥିବାରୁ ଶାଗମାଛ ଦରରେ ଦଲାଲକୁ ଫସଲ ବିକ୍ରି କରୁଥିବା ଅଭିଯୋଗ ହୋଇଛି । ପ୍ରତିବର୍ଷ ଭଳି ଚଳିତ ବର୍ଷ ସରକାର ଜିଲ୍ଲାରେ ମକା ମଣ୍ଡି ଖୋଲିବାକୁ ସରକାର ନିଷ୍ପତ୍ତି ନେଇଥିବା ବେଳେ ମକା କିଣିବା ଲାଗି କୌଣସି ବ୍ୟବସାୟିକ ଅନୁଷ୍ଠାନର ଦେଖାନାହିଁ । ଲକଡାଉନ ଯୋଗୁ ମକା ଚାଷ କାର୍ଯ୍ୟରେ ସମସ୍ୟା ଦେଖାଦେଇଥିବା ବେଳେ ଏବର୍ଷ ବିକ୍ରି ପାଇଁ ବହୁ ଅସୁବିଧା ଲାଗି ରହିଥିବା ଚାଷୀ ଅଭିଯୋଗ କରିଛି ।
ଗତ ବର୍ଷ ମକା କ୍ବିଣ୍ଟାଲ ପ୍ରତି 1800 ରୁ 2000 ବିକ୍ରି ହୋଇଥିବା ବେଳେ ଚଳିତ ଥର ଦର1250 ଟଙ୍କା ରହିଛି। ଲକଡାଉନ ଯୋଗୁଁ ବେପାରୀ ମାନେ ମଧ୍ୟ ମକା କିଣିବାକୁ ଆସୁ ନଥିବା ଜଣାପଡିଛି । ଗତବର୍ଷ ନବରଙ୍ଗପୁର ଜିଲା କୋଷଗୁମୁଡା ବ୍ଲକ ବାମୁନିଠାରେ ଏକ ମକା ପ୍ରସେଶିଙ୍ଗ ୟୁନିଟ କରିବା ଲାଗି ଆନ୍ଦ୍ରପ୍ରଦେଶର ଏକ କମ୍ପାନୀ କାର୍ଯ୍ୟ ଆରମ୍ଭ କରିଛି । ଏହି କମ୍ପାନୀ ଜିଲ୍ଲ।ରୁ ଚାଷୀଙ୍କ ଠାରୁ ମକା କିଣିବା ଲାଗି ସ୍ଥିର କରିଥିଲା । ହେଲେ ଏହି କମ୍ପାନୀ ମଧ୍ୟ ମକା କିଣୁ ନଥିବା ଅଭିଯୋଗ ହୋଇଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
