ନବରଙ୍ଗପୁର: ପାଣିରେ ବୁଡି ଛାତ୍ରୀ ମୃତ । ଏଭଳି ଅଭାବନୀୟ ଘଟଣା ଘଟିଛି ନବରଙ୍ଗପୁର ଜିଲ୍ଲାର ଡାବୁଗାଁ ବ୍ଲକ ଅନ୍ତର୍ଗତ ବରିଗାଁ ଗ୍ରାମରେ ।
ଗାଧୋଇବାବେଳେ ନଦୀରେ ବୁଡି ଛାତ୍ରୀ ମୃତ
ସୂଚନା ଅନୁଯାୟୀ ଡାବୁଗାଁ ବ୍ଲକ ବରିଗାଁ ଗ୍ରାମର ଛାତ୍ରୀ ଜଣକ ଗ୍ରାମ ନିକଟରେ ଯାଇଥିବା ଭାସ୍କେଲ ନଦୀରେ ଗାଧୋଇବା ପାଇଁ ଯାଇଥିଲେ । ଗାଧୋଇବା ବେଳେ ଅସାବଧାନତଃ ଭାସ୍କେଲ ନଦୀର ପାଣିରେ ଭାସିଯାଇଥିଲେ। ଗ୍ରାମର କିଛି ଲକେ ଜାଣିବା ପରେ ଡାବୁଗାଁ ଦମକଳ କେନ୍ଦ୍ରକୁ ଜଣାଇଥିଲେ l ଖବରପାଇ ଡାବୁଗାଁ ଗୋଷ୍ଠୀସ୍ବାସ୍ଥ୍ୟ କେନ୍ଦ୍ରରୁ ଆମ୍ବୁଲାନ୍ସ ଯୋଗେ ମୃତଦେହକୁ ଡାବୁଗାଁ ଅଣାଯାଇଥିଲା । ଉକ୍ତ ନାବାଳିକାର ନାମ ଟୁନି ପନକା ବୋଲି ଜଣାପଡ଼ିଛି l ସେ ଡାବୁଗାଁ ଭୈରବ କଲେଜରେ ଯୁକ୍ତତିନି ପଢୁଥିଲେ l
ଏହା ପରେ ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି l ଡାବୁଗାଁ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି l ନାବାଳିକାର ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
ନବରଙ୍ଗପୁରରୁ ତପନ କୁମାର ବିଷୋୟୀ,ଇଟିଭି ଭାରତ
