ନବରଙ୍ଗପୁର: ଜିଲ୍ଲାରେ ଅଭାବନୀୟ ଘଟଣା । ପୁଅ ହାତରେ ଚାଲିଗଲା ମାଆର ଜୀବନ । ନବରଙ୍ଗପୁରରେ ମଦ ପିଇ ମାଆକୁ, ପୁଅ ହତ୍ୟା କରିଥିବା ଭଳି ଘଟଣା ଆଲୋଡନ ସୃଷ୍ଟି କରିଛି ।
ସୂଚନା ଅନୁଯାୟୀ, ନବରଙ୍ଗପୁର ଦାରୁବନ୍ଧ ସାହି ବନ୍ଧ ହୁଡ଼ାରେ ଘଟିଛି ଏହି ଅଘଟଣ । ପ୍ରାୟ ୭୦ବର୍ଷରୁ ଊର୍ଦ୍ଧ୍ବ ମାଆ ଜେମା ଅମନାତ୍ୟର ପୁଅ ନବୀନ ଅମନାତ୍ୟ ପ୍ରତ୍ୟେକ ଦିନ ମଦ୍ୟପାନ କରି ନିଜ ଶଯ୍ୟାଶାୟୀ ମାଆଙ୍କ ସହ ଝଗଡା ଲଗାଉଥିଲା । ହୋଲି ପରେ ଅତ୍ୟଧିକ ମଦ୍ୟପାନ କରି ସବୁ ଦିନ ଭଳି ଆଜି ମଧ୍ୟ ଗଣ୍ଡଗୋଳ ଲାଗିଥିଲା । ଏହି ସମୟରେ ହିତାହିତ ଜ୍ଞାନ ଭୁଲି ମାଆକୁ ହତ୍ୟା କରିଛି ନବୀନ ।
ପଡୋଶୀ ଜେମାଙ୍କୁ ଭେଟିବାକୁ ଆସିଥିବା ସମୟରେ ପୁଅ ମୃତଦେହ ପାଖରେ ବସିଥିବା ଦେଖିବାକୁ ପାଇଥିଲେ । ଏନେଇ ଘଟଣା ବାବଦରେ ନବରଙ୍ଗପୁର ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଅଭିଯୁକ୍ତ ପୁଅ ନବୀନ ଅମନାତ୍ୟକୁ ଗିରଫ କରି ଅଧିକ ତଦନ୍ତ ଆରମ୍ଭ କରିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
