ଲାଞ୍ଜ ନେଇ ନିଲମ୍ବିତ ହେଲେ ଫରେଷ୍ଟ ଗାର୍ଡ, ଟ୍ରାକ୍ଟର ମୁକୁଳାଇବା ପାଇଁ ୨୦ହଜାର ନେଇଥିଲେ

ଲାଞ୍ଜ ନେଇ ନିଲମ୍ବିତ ହେଲେ ଫରେଷ୍ଟ ଗାର୍ଡ । ଜବତ ଟ୍ରାକ୍ଟର ମୁକୁଳାଇବା ପାଇଁ ଲାଞ୍ଚ ନେବା ଅଭିଯୋଗରେ ରାଇଘର ଫରେଷ୍ଟ ଗାର୍ଡ ଭୁବନେଶ ପୂଜାରୀ ଚାକିରୀରୁ ନିଲମ୍ବିତ । ଅଧିକ ପଢନ୍ତୁ

ନବରଙ୍ଗପୁର: ମହଙ୍ଗାପଡିଲା ଲାଞ୍ଚ ନେବା, ଲାଞ୍ଜ ନେଇ ନିଲମ୍ବିତ ହେଲେ ଫରେଷ୍ଟ ଗାର୍ଡ । ୨୦ ହଜାର ଟଙ୍କା ଲାଞ୍ଚ ନେଇ ଚାକିରୀରୁ ନିଲମ୍ବିତ ହେଲେ ରାଇଘର ଫରେଷ୍ଟ ଗାର୍ଡ ଭୁବନେଶ ପୂଜାରୀ (Raighar forest guard suspend )। ଜବତ ଟ୍ରାକ୍ଟର ମୁକୁଳାଇବା ପାଇଁ ଜଣଙ୍କ ଠାରୁ ଲାଞ୍ଚ ନେବା ଅଭିଯୋଗରେ ଫରେଷ୍ଟ ଗାର୍ଡଙ୍କୁ ନିଲମ୍ବିତ କରାଯାଇଛି । ଏକ ଚିଠି ମାଧ୍ୟମରେ ଏହି ସୂଚନା ଦେଇଛନ୍ତି ନବରଙ୍ଗପୁର ACF ଧର୍ନୁଜୟ ମହାପାତ୍ର l ଜଙ୍ଗଲ ଜମିରେ ଚାଷ କରିବା ଅଭିଯୋଗରେ ରୂପଚାନ୍ଦ ଗଣ୍ଡଙ୍କ ଟ୍ରାକ୍ଟରକୁ ଜବତ କରାଯାଇଥିଲା ।

ମିଳିଥିବା ସୂଚନା ଅନୁଯାୟୀ ହାତୀଗାଁ ସଂରକ୍ଷିତ ଜଙ୍ଗଲ ଅଧୀନସ୍ଥ କୁସୁମପୁର ଅଞ୍ଚଳର ଜଙ୍ଗଲ ଜମିରେ ଜୁଲାଇ ୨୧ ତାରିଖରେ ଏକ ଟ୍ରାକ୍ଟରେ ଚାଷ କରୁଥିଲେ ଟ୍ରାକ୍ଟର ମାଲିକ ତଥା ଡ୍ରାଇଭର ରୂପଚାନ୍ଦ ଗଣ୍ଡ । ଏହା ଦେଖି ରାଇଘର ବନ ବିଭାଗ ଟ୍ରାକ୍ଟର ଜବତ କରିବା ସହିତ ଟ୍ରାକ୍ଟର ମାଲିକ ତଥା ଡ୍ରାଇଭର ରୂପଚାନ୍ଦ ଗଣ୍ଡଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ରୂପଚାନ୍ଦ କୋର୍ଟରୁ ଜାମିନରେ ଆସିବା ପରେ ନିଜ ଟ୍ରାକ୍ଟର ମୁକୁଳାଇବା ପାଇଁ ରାଇଘର ଫରେଷ୍ଟ ଗାର୍ଡ ଭୁବନେଶ ପୂଜାରୀଙ୍କ ସହିତ କଥାବାର୍ତ୍ତା ହୋଇଥିଲେ । କିନ୍ତୁ ଟ୍ରାକ୍ଟର ମୁକୁଳାଇବା ପାଇଁ ଉପରିସ୍ଥ ଅଧିକାରୀଙ୍କୁ ଭୁବନେଶ ପୂଜାରୀ କହିବା ସହିତ ସମସ୍ତଙ୍କୁ ଟଙ୍କା ଦେବାକୁ ପଡ଼ିବ ବୋଲି କହିଥିଲେ ।

ଏହା ମଧ୍ୟ ପଢନ୍ତୁ: ଗ୍ରାମକୁ ଦୋଷ ଲାଗିଥିବାରୁ ଗଡୁଛି ମୁଣ୍ଡ ! ପ୍ରତିକାର ପାଇଁ ଘୁଷୁରୀ ବଳି

ଏଥି ରାଇଘର ଫରେଷ୍ଟ ଗାର୍ଡ ଭୁବନେଶ ପୂଜାରୀ କୋଡ଼ିଏ ହଜାର ଟଙ୍କା ମାଗିଥିଲେ । ଏହାପରେ ଫୋନ ପେ ନମ୍ବରରେ ୧୧ ହଜାର ଟଙ୍କା ଓ ନଗଦ ୯ ହଜାର ଟଙ୍କା ଦେଇଥିଲେ ରୂପଚାନ୍ଦ ଗଣ୍ଡ । କିନ୍ତୁ ଟ୍ରାକ୍ଟର ନମୁକୁଳିବାରୁ ସେ ଏନେଇ ଡିଏଫଓ ଅଫିସରେ ଅଭିଯୋଗ କରିଥିଲେ । ଏହି ଅଭିଯୋଗ ପାଇବା ପରେ ତାଙ୍କୁ ନବରଙ୍ଗପୁର ACF ଧର୍ନୁଜୟ ମହାପାତ୍ର ତାଙ୍କ ବିରୋଧରେ ଆକ୍ସନ ନେଇଛନ୍ତି । ରାଇଘର ଫରେଷ୍ଟ ଗାର୍ଡ ଭୁବନେଶ ପୂଜାରୀଙ୍କୁ ଚାକିରୀକୁ ନିଲମ୍ବିତ କରାଯିବ ନେଇ ସେ ଏକ ଚିଠି କରିଛନ୍ତି ।

ଏନେଇ ଏସିଏଫ ଧର୍ନୁଜୟ ମହାପାତ୍ର କହିଛନ୍ତି ଯେ, ''ରୂପଚାନ୍ଦ ଗଣ୍ଡଙ୍କ ଟ୍ରାକ୍ଟର ଗତ ଜୁଲାଇ ମାସରେ ଧରାଯାଇଥିଲା, ବର୍ତ୍ତମାନ ଏହା କୋର୍ଟରେ ବିଚାରଧିନ ଅଛି । ରାଇଘର କୋର୍ଟ ଓ ନବରଙ୍ଗପୁର ଅଥରାଇଜ ଅଫିସ କୋର୍ଟରେ ମଧ୍ୟ ଏହା ବିଚାରଧିନ ଅଛି । ଏହି ଅଭିଯୋଗ ଆସିବା ପରେ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।''

ନବରଙ୍ଗପୁର, ଇଟିଭି ଭାରତ