ନବରଙ୍ଗପୁର: ପିକଅପ ଭ୍ୟାନରୁ ଗଞ୍ଜେଇ ବସ୍ତା ଜବତ । ଚୋରା ଚାଲାଣ ବେଳେ ନବରଙ୍ଗପୁର ପୋଲିସ ଗଞ୍ଜେଇ ଜବତ କରିଛି । ଏହାସହ ପୋଲିସ ଦୁଇ ଜଣକୁ ଅଟକ ରଖିଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ପ୍ରାୟ ପାଞ୍ଚ ଲକ୍ଷ ଟଙ୍କା ହେବା ନେଇ ଅନୁମାନ କରାଯାଉଛି ।
ଭିଡିଓ ସୌଜନ୍ୟ:ସମ୍ବାଦଦାତା, ନବରଙ୍ଗପୁର
ସୂଚନା ଅନୁସାରେ, ପୋଲିସକୁ ଚକମା ଦେବାକୁ ଦୁର୍ବୃତ୍ତମାନେ ଏକ ପୋଟଳ ବୋଝେଇ ପିକଅପ ଭ୍ୟାନରେ ଗଞ୍ଜେଇ ଚୋରା ଚାଲାଣ କରିବାକୁ ଯୋଜନା କରିଥିଲେ । ମାତ୍ର ଏନେଇ ପୋଲିସ କୌଣସି ବିଶ୍ବସ୍ତ ସୂତ୍ରରୁ ଖବରପାଇ ଉକ୍ତ ଗାଡିକୁ ପିଛା କରିବା ସହ ଗଞ୍ଜେଇ ଗାଡିକୁ ଧରିବାରେ ସକ୍ଷମ ହୋଇଛି ।
ଏତେ ପରିମାଣର ଗଞ୍ଜେଇ କେଉଁଠୁ ଆସୁଥିଲା ସେନେଇ ପୋଲିସ ତଦନ୍ତ କରୁଛି । ଏହାସହ ଅଟକ ଦୁଇ ଜଣଙ୍କୁ ପଚରାଉଚରା ଜାରି ରଖିଥିବାବେଳେ ଏହାକୁ ବର୍ତ୍ତମାନ ସୁଧା ଓଜନ କରାଯାଇନାହିଁ । ଓଜନ କରିବା ପରେ ହିଁ ପ୍ରକୃତ ମୂଲ୍ୟ ଜଣାପଡିବ ବୋଲି ପୋଲିସ ସୂଚନା ଦେଇଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
