ନବରଙ୍ଗପୁର: ନବରଙ୍ଗପୁରରେ ଭାଲୁ ଆତଙ୍କ । ଗତ କିଛି ଦିନ ହେବ ଜାମାଲ କଲୋନୀରେ 2ଟି ଭାଲୁ ବୁଲୁଥିବାର ଦେଖିବାକୁ ମିଳିଛି । ଯାହାକୁ ନେଇ ଭୟଭୀତ ସହରବାସୀ ।
ଗତ କିଛି ଦିନ ଉପରୋକ୍ତ କଲୋନୀରେ ସନ୍ଧ୍ୟା ହେଲେ ସହର ମଧ୍ୟକୁ 2ଟି ଭାଲୁ ଚାଲି ଆସୁଥିବା ଦେଖାଯାଉଛି । ଫଳରେ ଘରେ ଭାଲୁ ପଶିଯିବା ଭୟରେ ସନ୍ଧ୍ୟାରେ କଲୋନୀର ସମସ୍ତ ଘରର ବାହାରର ତାଲା ପଡିଯାଉଛି । ଲୋକେ ବାହାରକୁ ବାହାରିବା ପାଇଁ ମଧ୍ୟ ଭୟ କରୁଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ତେବେ ବନ ବିଭାଗ ଏ ସମ୍ପର୍କରେ ଖବର ପାଇବା ପରେ ସଜାଗ ହୋଇଉଠିଛି । ଭାଲୁ ଯେପରି କାହାର କୌଣସି କ୍ଷତି ନକରେ, ସେ ନେଇ ଭାଲୁକୁ ଧରିବା ପାଇଁ କଲୋନୀରେ ପାଞ୍ଚଟି ଜନ୍ତା ରଖାଯାଇଥିବା ସୂଚନା ମିଳିଛି । ତେବେ ଜିଲ୍ଲାରେ ଧୀରେ ଧୀରେ ଜଙ୍ଗଲର ଅବକ୍ଷୟ ହେଉଥିବାରୁ ଜଙ୍ଗଲୀ ଜନ୍ତୁ ବାଧ୍ୟ ହୋଇ ସହର ଓ ଗାଁ ମୁହାଁ ହେଉଥିବା ଦେଖିବାକୁ ମିଳିଛି ।
ନବରଙ୍ଗପୁର ତପନ ବିଷୋୟୀ, ଇଟିଭି ଭାରତ
