ନବରଙ୍ଗପୁର: ଚାଷ ଜମିରେ ଧାନ ବୁଣିବା ବେଳେ ମାରିଲା ବିଜୁଳି । ବଜ୍ରାଘାତରେ ଜଣକର ମୃତ୍ୟୁ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଜୁନାପାରା ଗ୍ରାମରେ । ମୃତ ବ୍ୟକ୍ତି ହେଲେ ଈଶ୍ବର ଗଣ୍ଡ । ସୂଚନା ଅନୁସାରେ, ଈଶ୍ୱର ଗଣ୍ଡ (40) ନିଜ 10ବର୍ଷ ବର୍ଷର ପୁଅ ସହ ଚାଷ ଜମିରେ ଧାନ ବୁଣିବା ସମୟରେ ହଠାତ ବିଜୁଳି ଘଡଘଡି ସହ ବର୍ଷା ଯାହା ଫଳରେ ଈଶ୍ୱର ଓ ତାଙ୍କ ପୁଅ ଜମି ଭିତରେ ଥିବା କୁଡ଼ିଆ ତଳେ ଆଶ୍ରୟ ନେଇଥିଲେ ।
ଧାନ ବୁଣିବା ବେଳେ ମାରିଲା ବିଜୁଳି, ଚାଲିଗଲା ଜୀବନ
ଏହି ସମୟରେ ବଜ୍ରାଘାତ ଘଟି ଘଟଣାସ୍ଥଳରେ ଈଶ୍ବରଙ୍କ ଜୀବନ ଚାଲିଯାଇଥିବା ବେଳେ ତାଙ୍କ ପୁଅ ଅଳ୍ପକେ ବର୍ତ୍ତିଯାଇଥିଲେ । ଏହି ଘଟଣାପରେ ପୁଅ ଆସି ଘରେ ଜଣାଇବା ପରେ ଗ୍ରାମବାସୀ ପହଞ୍ଚିବା ବେଳେ ବର୍ତ୍ତମାନ ସୁଦ୍ଧା ପ୍ରଶାସନ ପାଖରେ ଖବର ନଥିବା ସୂଚନା ରହିଛି ।
ଇଟିଭି ଭାରତ, ନବରଙ୍ଗପୁର
