ନବରଙ୍ଗପୁର: ଜିଲ୍ଲାର କୋଷାଗୁମୁଡା ବ୍ଲକ ଆଉଁଳି ଗାଁରେ ଅଘଟଣ । ସାପ କାମୁଡ଼ାରେ ଜଣକର ମୃତ୍ୟୁ ଘଟିଛି । ମୃତକ ହେଲେ ରୂପଧର ମୁରିୟା । ସେ ଘରେ ଶୋଇଥିବାବେଳେ ତାଙ୍କ ଡାହାଣ ହାତର ଉପର ଭାଗକୁ କୌଣସି ଏକ ବିଷାକ୍ତ ସାପ କାମୁଡି ଦେବା ଜଣାପଡିଛି । ଏନେଇ ତାଙ୍କ ସାନଭାଇ ଉର୍ଦ୍ଧବ ମୁରିୟା କୋଷାଗୁମୁଡ଼ା ଥାନାରେ ଏତଲା ଦେଇ ଜଣାଇଥିଲେ ।
ଘଟଣାରେ କୋଷାଗୁମୁଡ଼ା ଥାନା ଅଧିକାରୀ ଦୁର୍ଗାମାଧବ ବାଘ ଏକ ଅପମୃତ୍ୟୁ ମାମଲା ରୁଜୁ କରିଛନ୍ତି । ଏହାପରେ ଏଏସଆଇ ବସନ୍ତ କୁମାର ସ୍ୱାଇଁଙ୍କୁ ଏହି ସାପ କାମୁଡ଼ା ମୃତ୍ୟୁର ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ । ମୃତ୍ୟୁଦେହ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯାଇଥିବା ପୋଲିସ ସୂଚନା ଦେଇଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
