ନବରଙ୍ଗପୁର: ଦକ୍ଷିଣାଞ୍ଚଳ ଆରଡିସି ଟି.ଏଓଙ୍କ ନବରଙ୍ଗପୁର ଗସ୍ତ । ଦକ୍ଷିଣାଞ୍ଚଳର ବିଭିନ୍ନ ଜିଲ୍ଲା ଗସ୍ତ କରି ନବରଙ୍ଗପୁର ଠାରେ ପହଞ୍ଚିଛନ୍ତି ଆରଡିସି । ଏହି ଗସ୍ତ ଅବସରରେ ସେ ପ୍ରଥମେ ସ୍ଥାନୀୟ ସର୍କିଟ ହାଉସଠାରେ ଜିଲ୍ଲାପାଳ ଓ ଜିଲ୍ଲା ପ୍ରଶାସନର ଅନ୍ୟାନ୍ୟ ପଦାଧିକାରୀଙ୍କ ସହ ସମୀକ୍ଷା ବୈଠକରେ ଯୋଗ ଦେଇଥିଲେ । ପରେ ବିଏଇଡି କଲେଜରେ ନିର୍ମିତ ୨୦୦ ଶଯ୍ୟା ବିଶିଷ୍ଟ କୋଭିଡ ମେଡିକାଲ ପରିଦର୍ଶନରେ ଯାଇଥିଲେ ।
ସେଠାରେ ମେଡିକାଲ ବୁଲି ଦେଖିବା ସହ ମେଡିକାଲରେ ଆନୁସଙ୍ଗିକ ସୁବିଧା ସୁଯୋଗ ତଥା ବାସ୍ତବ ସ୍ଥିତି ନେଇ ଜିଲ୍ଲାପାଳ, ସିଡିଏମଓ ଓ କୋଭିଡ ମେଡିକାଲର ଇନଚାର୍ଜଙ୍କ ଠାରୁ ଅବଗତ ହୋଇଥିଲେ । ଖୁବଶୀଘ୍ର ବାହାର ରାଜ୍ୟରେ ଫସିଥିବା ଦାଦନ ଶ୍ରମିକମାନେ ଫେରିବାକୁ ଥିବା ବେଳେ ଆରଡିସିଙ୍କ ଏହି ଗସ୍ତକୁ ଖୁବ ଗୁରୁତ୍ବପୂର୍ଣ୍ଣ ମନେ କରାଯାଉଛି ।
ବର୍ତ୍ତମାନ ସୁଦ୍ଧା ନବରଙ୍ଗପୁର ଜିଲ୍ଲାରେ ଗୋଟିଏ ବି କୋରୋନା ଆକ୍ରାନ୍ତ ଚିହ୍ନଟ ହୋଇନଥିବା ବେଳେ ଭବିଷ୍ୟତରେ ସମସ୍ତ ସମ୍ଭାବ୍ୟ ପରିସ୍ଥିତି ନେଇ ସତର୍କ ରହିବା ପାଇଁ ଜିଲ୍ଲା ପ୍ରଶାସନ ସହ ଆଲୋଚନା କରିଥିଲେ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
