ନବରଙ୍ଗପୁର: ବିଶେଷଜ୍ଞ ଡାକ୍ତର ଅଭାବରୁ ଦିବ୍ୟାଙ୍ଗଙ୍କୁ ମିଳିଲାନି ପ୍ରମାଣପତ୍ର । ହଟହଟା ହୋଇ ଫେରିଲେ ଦିବ୍ୟାଙ୍ଗ । ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖିବାକୁ ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ଏଭଳି ଘଟଣାର ଆଜିର କିମ୍ବା କାଲିର ନୁହେଁ । ମାସ ମାସ ହେଲା ୩୦ରୁ ଅଧିକ ମାନସିକ ରୋଗୀ ମୁଖ୍ୟ ଚିକିତ୍ସାଳୟକୁ ପ୍ରମାଣପତ୍ର ପାଇଁ ଆସି ଖାଲି ହାତରେ ଫେରୁଛନ୍ତି ।
ଜଣେ ମାନସିକ ରୋଗୀଙ୍କୁ ନେବା ଆଣିବା କରିବା ବହୁ କାଠିକର ପାଠ । ସେମାନଙ୍କୁ ଚିକିତ୍ସାଳୟକୁ ଆଣିବାକୁ ନାନା କସରତ କରିବାକୁ ପଡ଼ିଥାଏ । ଏହି ସମସ୍ୟାର ସମାଧାନ କରିବା ପାଇଁ ଦାବି କରିଛନ୍ତି ମାନସିକ ରୋଗୀଙ୍କ ପରିବାର ଦାବି କରିଛନ୍ତି ।
ଏନେଇ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟ CDMO ଡାକ୍ତର ଚୌଧୁରୀ ଶୋଭାରାଣି ମିଶ୍ରଙ୍କୁ ଅବଗତ କରାଯାଇଛି । ଜିଲ୍ଲାରେ ମାନସିକ ରୋଗ ବିଶେଷଜ୍ଞ କେହି ନାହାନ୍ତି । ପ୍ରତି ମାସରେ ଅନ୍ୟ ଜିଲ୍ଲାରୁ ଡାକ୍ତର ଆଣି କାମଚଳା ହୁଏ । କିନ୍ତୁ ଗତ କିଛି ଦିନ ହେଲା କେହି ଚିକିତ୍ସକ ଆସିନଥିବାରୁ ନାନା ସମସ୍ୟା ଦେଖିବାକୁ ମିଳିଛି । ଜଣେ ମାନସିକ ରୋଗ ବିଶେଷଜ୍ଞଙ୍କୁ ଡକାଯାଇଥିଲା । ଆସିବା ପାଇଁ ସେ ମଧ୍ଯ ପ୍ରତିଶ୍ରୁତି ଦେଇଥିଲେ । କିନ୍ତୁ ବାତ୍ୟା ପାଇଁ ଟ୍ରେନ୍ ବାତିଲ୍ ହେବାରୁ ମାନସିକ ରୋଗ ବିଶେଷଜ୍ଞ ପହଞ୍ଚି ପାରି ନାହାଁନ୍ତି । ବୋଲି କହିଛନ୍ତି ନବରଙ୍ଗପୁର CDMO ।
ଆସନ୍ତା ମାସ ନିଶ୍ଚିତି ଭାବେ ବିଶେଷଜ୍ଞ ଡାକ୍ତର ଜିଲ୍ଲାରେ ପହଞ୍ଚିବେ । ଆଗାମୀ ଦିନରେ ମାନସିକ ରୋଗୀଙ୍କୁ ପ୍ରମାଣପତ୍ର ମିଳିବ ବୋଲି ପ୍ରତିଶ୍ରୁତି ଦେଇଛନ୍ତି ନବରଙ୍ଗପୁର CDMO ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
