ନବରଙ୍ଗପୁର: ଅନୁସୂଚିତ ଜାତି ଯୁବ ସଂଗଠନ ତରଫରୁ ଉମରକୋଟ ଠାରେ ଅନୁଷ୍ଠିତ ହୋଇଯାଇଛି ଏକ ଜରୁରୀ ବୈଠକ । ସାମାଜିକ ଦୂରତା ତଥା କୋରୋନା କଟକଣାକୁ ଦୃଷ୍ଟିରେ ରଖି ଏହି ବୈଠକ ଅନୁଷ୍ଠିତ ହୋଇଥିଲା l ଏହି ବୈଠକରେ ନବରଙ୍ଗପୁର ଜିଲ୍ଲା ଅନୁସୂଚିତ ଜାତି ଯୁବ ସଂଗଠନର ଜିଲ୍ଲା ସଭାପତି ରାଜେନ୍ଦ୍ର ଭକ୍ତ ମୁଖ୍ୟ ଅତିଥି ଭାବେ ଯୋଗ ଦେବା ସହ ନବରଙ୍ଗପୁର ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଧନଞ୍ଜୟ ନାଗ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l
ଏହି ବୈଠକରେ ସମସ୍ତଙ୍କ ସହମତି କ୍ରମେ ଗଣେଶ ସୁନାଙ୍କୁ ସଭାପତି, ପୂର୍ଣ୍ଣ ଚନ୍ଦ୍ର ନାୟକଙ୍କୁ ସମ୍ପାଦକ ଏବଂ ବୋଳି ମଙ୍ଗରାଜଙ୍କୁ କୋଷାଧକ୍ଷ ଓ ଶଙ୍କର ନାୟକଙ୍କୁ ଉପ ସଭାପତି ଭାବେ ମନୋନୀତ କରାଯାଇଥିଲା l
ଅନୁସୂଚିତ ଜାତି ସଂଘର ଜନ ସାଧାରଣ ଆଗାମୀ ଦିନରେ ନିଜର ମୌଳିକ ଅଧିକାର ଯଥା:- ଶିକ୍ଷା, ସ୍ବାସ୍ଥ୍ୟ, ଆବାସ ଯୋଜନା ଆଦିରୁ କିଭଳି ଭାବେ ବଞ୍ଚିତ ନହେବେ ସେଥି ପ୍ରତି ଧ୍ୟାନ ଦେବା ସହ ସରକାରଙ୍କ ଦୃଷ୍ଟି ଆକର୍ଷଣ କରାଯିବା ବିଷୟରେ ଉପସ୍ଥିତ ଜନ ସାଧାରଣ ନିଜ ନିଜର ଅଭିଭାଷଣ ରଖିଥିଲେ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
