ନବରଙ୍ଗପୁର: ସାରା ଭାରତ ଲକ୍ ଡାଉନ । ମହାମାରୀ କରୋନା ସଂକ୍ରମଣକୁ ଦୃଷ୍ଟିରେ ପାଇଁ ନବରଙ୍ଗପୁର ଜିଲ୍ଲା ପ୍ରଶାସନ ସମୟ ଜାରି କରିଛି । କେବଳ ଜରୁରୀକାଳୀନ ସେବାକୁ ବାଦଦେଇ ସମସ୍ତ ସେବାକୁ ନିଷେଧ କରାଯାଇଛି । ଭୟାନକ ମହାମାରୀ କୋରୋନକୁ ପ୍ରତିହତ କରିବା ପାଇଁ ସାମାଜିକ ଦୂରତ୍ବ ବ୍ୟତୀତ କୌଣସି ବ୍ୟବସ୍ଥା ନାହିଁ ।
ସାରା ଭାରତରେ ତାଲା ବନ୍ଦ ନିଷ୍ପତ୍ତି ସହ ଏହାକୁ ପାଳନ କରିବା ପାଇଁ କଡାକଡି ନିୟମ ପାଳନ କରିବାକୁ ରାଜ୍ୟ ସରକାରଙ୍କୁ ପ୍ରଧାନମନ୍ତ୍ରୀ ଆହ୍ବାନ ଦେବାପରେ ନବରଙ୍ଗପୁର ଜିଲ୍ଲା ପ୍ରଶାସନ ପକ୍ଷରୁ ନିୟମ ପାଳନ ପାଇଁ ଅଣ୍ଟା ଭିଡ଼ିଛି । ଲୋକଙ୍କ ସାଧାରଣ ଜୀବନରେ ଖାଦ୍ୟ ସାମଗ୍ରୀ, ରାସନ ଜିନିଷ, କ୍ଷୀର, ବ୍ରେଡ଼, ଫଳ, ପନିପରିବା, ମାଛ ମାଂସ, ଦୋକାନ ପାଇଁ ଜାରି ହୋଇଥିବା ନିୟମ ଅନୁସାରେ ଏହି ଦୋକାନ ଗୁଡିକ ସକାଳ ୬ ଟାରୁ ସକାଳ ୧୦ ଟା ଏବଂ ଅପରାହ୍ନ ୩ ଟା ରୁ ସନ୍ଧ୍ୟା ୭ ଟା ପର୍ଯ୍ୟନ୍ତ ଖୋଲା ରଖିବା ପାଇଁ ବିଜ୍ଞପ୍ତି ଜାରି କରାଯାଇଛି ।
ସାରା ଭାରତକୁ ଲକଡାଉନ ପରେ ଲାଗୁ ହୋଇଥିବା ଏହି ନିୟମକୁ ପରବର୍ତ୍ତୀ ଆଦେଶ ପର୍ଯ୍ୟନ୍ତ ବଳବତ୍ତର ରହିବ । ଏହି ନିୟମ ଖିଲାପ କରୁଥିବା ବ୍ୟବସାୟୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ମହାମାରୀ କୋରୋନାରୁ ଦେଶକୁ ରକ୍ଷା କରିବା ପାଇଁ ଏକ ଦୃଢ ପଦକ୍ଷେପ ନିଆଯାଇଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
