ବାରିପଦା: ଚାଷ ଜମିରୁ ରକ୍ତାକ୍ତ ମୃତଦେହ ଉଦ୍ଧାର । ମୟୂରଭଞ୍ଜ ଜିଲ୍ଲା ବେତନଟୀ ଥାନା ଅଞ୍ଚଳରେ ଶ୍ରମିକଙ୍କୁ ହତ୍ୟା ସନ୍ଦେହ ।
ମୟୂରଭଞ୍ଜ ଜିଲ୍ଲା ବେତନଟୀ ଥାନା ଅନ୍ତର୍ଗତ କୈଳାସଚନ୍ଦ୍ରପୁରରେ ଶ୍ରମିକଙ୍କୁ ହତ୍ୟା କରାଯାଇଥିବା ସନ୍ଦେହ । ଉଦ୍ୟାନ ବିଭାଗ ଦ୍ବାରା ଲେମନ ଗ୍ରାସ ଚାଷ କରିବା ପାଇଁ କେତେକ ହିତାଧିକାରୀଙ୍କ ଜମିରେ ଶ୍ରମିକ ନିଯୁକ୍ତ କରାଯାଇଥିଲା। ଗାଁସାଥିଙ୍କ ଦ୍ବାରା ନିୟୋଜିତ ଶ୍ରମିକ ମଧ୍ୟରୁ ମନୋରଞ୍ଜନ ମହାନ୍ତଙ୍କ ରକ୍ତାକ୍ତ ମୃତଦେହ ଚାଷ ଜମିରେ ପଡିଥିବା ଦେଖିବାକୁ ମିଳିଥିଲା। କୈଳାସଚନ୍ଦ୍ରପୁ୍ରର ମନୋରଞ୍ଜନକୁ କେହି ମୁଣ୍ତରେ ଭୀଷଣ ଆଘାତ ଦେଇ ହତ୍ୟା କରିଥିବା ସନ୍ଦେହ କରାଯାଉଛି ।
ଭିଡିଓ ସୌଜନ୍ୟ : ସମ୍ବାଦଦାତା, ମୟୂରଭଞ୍ଜ
ଘଟଣାସ୍ଥଳରେ ବେତନଟୀ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଜାରି ରଖିଛନ୍ତି । ତେବେ ମୋଟ ୨୭ ଜଣ ଶ୍ରମିକ କାର୍ଯ୍ୟରେ ନିୟୋଜିତ ହୋଇଥିବା ବେଳେ ଚାଷ ଜମିରୁ କିଛି ଦୂରରେ ଜଣେ ଶ୍ରମିକର ରକ୍ତାକ୍ତ ମୃତ ଦେହ ମିଳିବା ଅତ୍ୟନ୍ତ ରହସ୍ୟମୟ ରହିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
