ନବରଙ୍ଗପୁର: ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ। ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲାର ତାରଗାଁରେ। ସ୍ବାମୀ ମୋହନ ହରିଜନ ସ୍ତ୍ରୀ ନବିନା ହରିଜନକୁ ମରଣାନ୍ତକ ଆକ୍ରମଣ କରିବା ପରେ ଗୁରୁତର ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।
ସୂଚନାନୁସାରେ, ସ୍ବାମୀ ମୋହନ, ସ୍ତ୍ରୀ ନବିନା ସହ ନିଜ ଇନ୍ଦିରା ଆବାସ ଘର ସମ୍ପର୍କରେ ଗଣ୍ଡଗୋଳ ଲାଗିବା ପରେ ଉତ୍ୟକ୍ତ ହୋଇ ସ୍ତ୍ରୀକୁ ଆକ୍ରମଣ କରିଥିଲା । ଗତ କିଛିଦିନ ହେଲା ନବୀନା ତାଙ୍କ ବାପା ଘରେ ରହିଆସୁଥିଲେ । ତେବେ ମୋହନ ନିଜ ଇନ୍ଦିରା ଆବାସ ଘରକୁ ଅନ୍ୟ ଜଣକୁ ଭଡା ଦେଇଥିବାବେଳେ ଏହାକୁ ନେଇ ସ୍ବାମୀ ସ୍ତ୍ରୀ ମଧ୍ୟରେ ଗଣ୍ଡଗୋଳ ହୋଇଥିଲା ।
ଯାହାକୁ ନେଇ ଏହା ହତ୍ୟାକାଣ୍ଡର ରୂପ ନେଇଥିବା ପରିବାର ଲୋକେ କହିଛନ୍ତି। ଅନ୍ୟପଟେ ମୃତ ନବୀନାଙ୍କ ପରିବାର ଲୋକେ ନବରଙ୍ଗପୁର ଥାନାରେ ଏତଲା ଦେଇଥିବା ବେଳେ ମୋହନ ଫେରାର ଥିବା ଜଣାପଡିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
