ନବରଙ୍ଗପୁର: ପୋଲିସ ବାହିନୀରେ ସାମିଲ ହୋଇ ଦୀର୍ଘଦିନ ଧରି ସେବା ଯୋଗାଇଥିବା କୁକୁର 'ତାରା'ର ଦେହାନ୍ତ ପରେ ଗାର୍ଡ ଅଫ୍ ଅନର ପ୍ରଦାନ । ନବରଙ୍ଗପୁର ଏସପି ନିତିନ କୁଶଲକରଙ୍କ ଉପସ୍ଥିତିରେ ନବରଙ୍ଗପୁର ପୋଲିସ ପକ୍ଷରୁ ସନ୍ଧାନୀ କୁକୁର ତାରାର ଦେହାନ୍ତ ପରେ ଏକ ଭାବାବେଗ ପରିବେଶ ମଧ୍ୟରେ ଗାର୍ଡ ଅଫ ଅନର ପ୍ରଦାନ କରାଯାଇ ଅନ୍ତିମ ବିଦାୟ ଦିଆଯାଇଥିଲା ।
ମୃତ ସନ୍ଧାନୀ ପୋଲିସ କୁକୁରକୁ ଗାର୍ଡ ଅଫ୍ ଅନର
ତାରା ଗତ କିଛି ବର୍ଷ ନବରଙ୍ଗପୁର ପୋଲିସ ବାହିନୀରେ ସାମିଲ ହୋଇଥିଲା । ଯୋଗଦାନ ପରେ ପୋଲିସର ଅନେକ ମିଶନ ସହ ଅପରାଧୀଙ୍କ ବିଷୟରେ ସୁରାକ ଦେବା ପାଇଁ ସେ ସହଯୋଗ କରି ପୋଲିସ ପାଇଁ ଅନେକ ସଫଳତା ଆଣିଦେଇଥିଲା ।
ତାରା ନବରଙ୍ଗପୁର ପୋଲିସ ପାଇଁ ଏକ ବଡ ଟ୍ରମ୍ପ କାର୍ଡ ଥିଲା । ତାରାର ଅକାଳ ମୃତ୍ୟୁ ପରେ ତାର ଅବଦାନ ଓ କର୍ତ୍ତବ୍ୟକୁ ସମ୍ମାନ ଦେବା ପାଇଁ ନିଜେ ଏସପି ନିତିନ କୁଶଲକର ଉପସ୍ଥିତି ରହି ଶେଷ ଦର୍ଶନ କରିବା ସହିତ ଶେଷ ଶୋଭାଯାତ୍ରାରେ ସାମିଲ ହୋଇଥିଲେ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
