ନବରଙ୍ଗପୁର: ନକଲି ଖାଇବା ତେଲ ପରେ ଏବେ ନକଲି ଭାଙ୍ଗ କାରଖାନା ଠାବ । ନବରଙ୍ଗପୁରରେ ନକଲି ଭାଙ୍ଗ କାରଖାନା ଠାବ କରିଛି ପୋଲିସ । ଶୁକ୍ରବାର ବିଳମ୍ବିତ ରାତିରେ ଜିଲ୍ଲାର ଇଚ୍ଛାବତିଗୁଡାରେ ଚାଲିଥିବା ଏକ ନକଲି ଭାଙ୍ଗ କାରଖାନା ଉପରେ ପୋଲିସ ଚଢାଉ କରିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ବନଦୁର୍ଗା ନାମରେ ଏହି କାରଖାନା ଚାଲିଥିଲା । ସେଠାରୁ ୧୫ ବସ୍ତା ଭାଙ୍ଗ, ପ୍ୟାକିଙ୍ଗ ଜରି, ପ୍ୟାକିଙ୍ଗ ମେସିନ ଜବତ କରିଛି ପୋଲିସ । ଯାହାର ଆନୁମାନିକ ମୂଲ୍ୟ ୧୦ ଲକ୍ଷ ଟଙ୍କା ହେବ ବୋଲି ପୋଲିସ କହିଛି । ଅନ୍ୟପଟେ ଯେଉଁଠାରେ କାରଖାନା ଚାଲିଥିବା ସେହି ଘର ମାଲିକ ଫେରାର ଥିବାବେଳେ ତଦନ୍ତ କରୁଛି ପୋଲିସ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
