ନବରଙ୍ଗପୁର: ଘର ଭିତରୁ ଯୁବକ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର । ଏଭଳି ଅଘଟଣ ଦେଖିବାକୁ ମିଳିଛି
ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ହୀରାପୁର ଗ୍ରାମରେ । ଶନିବାର ଏମାନଙ୍କ ମୃତଦେହକୁ ଉମରକୋଟ ପୋଲିସ ଘର ମଧ୍ୟରୁ ଝୁଲନ୍ତା ଅବସ୍ଥାରେ ଉଦ୍ଧାର କରିଛି ।
ଗତକାଲି ନିକଟସ୍ଥ ଜାମରୁଣ୍ଡା ଗ୍ରାମରେ ଶିବରାତ୍ରୀ ଉତ୍ସବରେ ତୁଳାରାମ ନିଜ ପରିବାର ସହ ଯାଇଥିବାବେଳେ ତାଙ୍କ ଝିଅ ଭଗବତୀ ଘରେ ଏକା ଥିଲେ । ଏହାପରେ ଆଜି ସକାଳୁ ନୂଆଗଡା ଗ୍ରାମର କିଛି ଲୋକ ଘରର ଝରକା ପଟେ ଦୁଇ ଜଣଙ୍କ ମୃତଦେହ ଝୁଲୁଥିବା ଦେଖି ପୋଲିସକୁ ଖବର ଦେଇଥିଲେ ।
ଘଟଣାର ଖବର ପାଇ ଉମରକୋଟ ଥାନା ଅଧିକାରୀ ନିଜ ସହକର୍ମୀଙ୍କ ସହ ଘଟଣାସ୍ଥଳରେ ପହଞ୍ଚି ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ 2ଟିକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ବର୍ତ୍ତମାନ ସୁଦ୍ଧା ମୃତ୍ୟୁର କାରଣ ଜଣାପଡି ନାହିଁ । ଏହାସହ ମୃତକ2 ଜଣ ହେଲେ ଭଗବତୀ କଲାର ଓ ଅନ୍ୟ ଜଣେ ସନପଥ ଭତ୍ରା ବୋଲି ପୋଲିସ କହିଛି ।
ସୂଚନା ଅନୁସାରେ, ମୃତ ଯୁବକ ଯୁବତୀ ବହୁଦିନ ଧରି ପ୍ରେମ ସମ୍ପର୍କରେ ଥିଲେ । ଅନ୍ୟପଟେ ଏମାନେ ଦୁଇ ଜଣ ଉକ୍ତ ଘରେ କେତେବେଳେ ଆସିଲେ ଓ କ'ଣ ପାଇଁ ଆତ୍ମହତ୍ୟା କଲେ ସେନେଇ ପୋଲିସ ତଦନ୍ତ କରୁଥିବା ଜଣାପଡିଛି ।
ନବରଙ୍ଗପୁରରୁ ତପନ ବିଷୋଇ, ଇଟିଭି ଭାରତ
