ନବରଙ୍ଗପୁର: ଜିଲ୍ଲାରେ ଆରମ୍ଭ ହେଲା ଶିଶୁ ଅନୁକୂଳ ପୋଲିସ ଥାନା । ଏହି ଅବସରରେ ନବରଙ୍ଗପୁର ଏସପି ସ୍ମିଥ ପରମାର ପୁରୁଷୋତ୍ତମ ଦାସଙ୍କ ଉପସ୍ଥିତିରେ କୋରାପୁଟ ଡିଆଇଜି ରାଜେଶ ପଣ୍ଡିତ ମୁଖ୍ୟ ଅତିଥି ଭାବେ ଯୋଗ ଦେଇ ଏହାର ଶୁଭ ଉଦଘାଟନ କରିଥିଲେ । ଏହି ପରିପ୍ରେକ୍ଷୀରେ ନବରଙ୍ଗପୁର ଥାନା ପରିସରରେ ଏକ ଲାଇବ୍ରେରୀ ଏବଂ ଶିଶୁ ଉଦ୍ୟାନର ଉଦଘାଟନ ମଧ୍ୟ କରାଯାଇଛି ।
ନବରଙ୍ଗପୁରରେ ଶିଶୁ ପୋଲିସ ଥାନା ଉଦଘାଟନ
ପୋଲିସ କର୍ମଚାରୀଙ୍କ ସହ ସାଧାରଣ ନାଗରିକ ଏବଂ ଶିଶୁମାନେ ଜ୍ଞାନ ଆହରଣ କରିବା ପାଇଁ ଏହା ଉଦ୍ଦିଷ୍ଟ ହେବ ବୋଲି କହିଛନ୍ତି ଏସପି । ଏଥି ସହ ପୋଲିସ ଏବଂ ଜନତାଙ୍କ ମଧ୍ୟରେ ଥିବା ସମ୍ପର୍କ ଏହା ଦ୍ବାରା ଆହୁରି ସୁଦୃଢ଼ ହେବା ନେଇ ମତ ରଖିଛନ୍ତି ନବରଙ୍ଗପୁର ଏସପି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
