ନବରଙ୍ଗପୁର: ବାଇକକୁ ପିଟିଲା କାର, ଜଣେ ମୃତ ଜଣେ ଗୁରୁତର । ପାପଡାହାଣ୍ଡି ଥାନା ଅନ୍ତର୍ଗତ ପ୍ରଧାନୀଗୁଡା ଗ୍ରାମ 26 ନମ୍ବର ଜାତୀୟ ରାଜପଥ ଉପରେ ଘଟିଯାଇଛି ସଡକ ଦୁର୍ଘଟଣା । ଦୁର୍ଘଟଣାରେ ଜଣେ ମୃତ୍ୟୁବରଣ କରିଥିବା ବେଳେ ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ପାପଡାହାଣ୍ଡି ମେଡିକାଲରେ ଭର୍ତ୍ତି କରାଯାଇଛି । ମୃତକ ଜଣକ ହେଲେ ରଜାମାଟୁ ଗ୍ରାମର ବୈଦୁ ଯାନୀ ( 35 ) ।
ବାଇକକୁ ପିଟିଲା କାର, ଜଣେ ମୃତ ଜଣେ ଗୁରୁତର
ସୂଚନା ଅନୁଯାୟୀ ରଜାମାଟୁ ଗ୍ରାମର ବୈଦୁ ଯାନୀ ଏବଂ ଯୁଧିଷ୍ଠିର ଯାନୀ ନବରଙ୍ଗପୁର ବ୍ୟାଙ୍କ୍ କାମରେ ଯାଇ ବାଇକ୍ ରେ ଘରକୁ ଫେରୁଥିବା ସମୟରେ ଏକ ଅଜଣା ଗାଡି ଧକ୍କା ଦେଇ ଚାଲିଯାଇଥିଲା । ଏହା ଦେଖି ଗ୍ରାମବାସୀ ସଙ୍ଗେସଙ୍ଗେ ଆମ୍ବୁଲାନ୍ସ କୁ ଯୋଗାଯୋଗ କରି ପାପଡାହାଣ୍ଡି ମେଡିକାଲରେ ଭର୍ତ୍ତି କରିଥିଲେ । ଘଟଣା ସ୍ଥଳରେ ପାପଡାହାଣ୍ଡି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ନବରଙ୍ଗପୁର ରୁ ତପନ କୁମାର ବିଷୋୟୀ, ଇଟିଭି ଭାରତ
