ନବରଙ୍ଗପୁର: ଖାତିଗୁଡ଼ା ଥାନା ଅନ୍ତର୍ଗତ ଆଉଳିଗୁମ୍ମା ନିକଟରେ ବାଇକ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ । ଏହି ଦୁର୍ଘଟଣାରେ ବାଇକ ଚାଳକଙ୍କ ମୃତ୍ୟୁ ହୋଇଛି । ମୃତକ ହେଲେ ଉଦୟପୁର ଗ୍ରାମର ଚନ୍ଦ୍ର ମୋହନ ହରିଜନ(୩୫) ।
ଭାରସାମ୍ୟ ହରାଇ ଗଛରେ ପିଟିହେଲା ବାଇକ୍, ଚାଳକ ମୃତ
ସୂଚନାନୁଯାୟୀ, ଚନ୍ଦ୍ର ମୋହନ କୌଣସି କାର୍ଯ୍ୟରେ ନିଜ ସମ୍ପର୍କୀୟ ଘର ବାରିଆଘାଟକୁ ଯାଇ ଘରକୁ ଫେରୁଥିବା ସମୟରେ ବାଇକର ଗତି ଦ୍ରୁତ ଥିବାରୁ ଏହା ଭାରସାମ୍ୟ ହରାଇ ଏକ ଗଛରେ ପିଟି ହୋଇଥିଲା । ଘଟଣାସ୍ଥଳରେ ଖାତିଗୁଡ଼ା ପୁଲିସ ପହଞ୍ଚି ଗୁରୁତର ଅବସ୍ଥାରେ ବାଇକ ଚାଳକଙ୍କୁ ତେନ୍ତୁଳିଖୁଣ୍ଟି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏନେଇ ଖାତିଗୁଡ଼ା ପୁଲିସ ଏକ ମାମଲା ରୁଜୁ କରି ତଦନ୍ତ କରୁଥିବା ଜଣାପଡିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
