ନବରଙ୍ଗପୁର: ରାଇଘର ବ୍ଳକ ବଣିପଦ ଛକ ନିକଟରେ ବାଇକ ଦୁର୍ଘଟଣା । ଭାରସାମ୍ୟ ହରାଇ ବାଇକ ଗଛରେ ପିଟି ହେବା ଯୋଗୁଁ ବାଇକ ଚାଳକର ଘଟଣା ସ୍ଥଳରେ ମୃତ ଘଟିଛି । ମୃତକଙ୍କ ନାମ ବିପ୍ଳବ ମଣ୍ଡଳ ହୋଇଥିବାବେଳେ ବୟସ 17 ବର୍ଷ ବୋଲି ଜଣାପଡ଼ିଛି ।
ଦୁର୍ଘଟଣାରେ ଦୁଇ ଜଣ ଗୁରୁତର ଭାବେ ଆହାତ ହୋଇଛନ୍ତି । ଗୁରୁତର ଦୁଇ ଜଣକୁ ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ସେହିପରି ଆହତ ଦୁଇଜଣଙ୍କ ନାମ ଅଲକେଷ ରାୟ ଓ ଅମିତ ଵାଲା । ଉଭୟ ବୋଲବମ ଯାଇ ଫେରୁଥିବା ସମୟରେ ଏହି ଘଟଣା ଘଟିଛି । ଆଜି ପବିତ୍ର ଶ୍ରାବଣ ମାସ ୩ୟ ସୋମବାର ହୋଇଥିବାରୁ ନୀଳକଣ୍ଠେଶ୍ବର ମନ୍ଦିରରେ ପୂଜାର୍ଚ୍ଚନା କରି ଜଳାଭିଷେକ କରି ଫେରିବା ସମୟ ଘଟଣାଟି ଘଟିଛି ।
ସୂଚନା ଅନୁଯାୟୀ ଗୋଟିଏ ମଟର ସାଇକେଲରେ ତିନି ଜଣ ଯାଉଥିଲେ । ରାସ୍ତାର ଦୁଇ ପାର୍ଶ୍ଵରେ ରେ କାଦୁଅ ହୋଇଥିବାରୁ ଗାଡ଼ିର ଚକା ଖସିଯାଇଥିଲା ଏବଂ ପାର୍ଶ୍ବରେ ଥିବା ଗଛରେ ପିଟିହୋଇଥିଲା। ଫଳରେ ଘଟଣା ସ୍ଥଳରେ ଜଣଙ୍କର ମୃତ୍ଯୁ ଘଟିଥିବା ବେଳେ ଦୁଇଜଣ ଆହତ ହୋଇଛନ୍ତି । ଦୁର୍ଘଟଣା ସ୍ଥଳରେ ରାଇଘର ପୋଲିସ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
