ନବରଙ୍ଗପୁର: ଏବେ ଲୁଟେରାଙ୍କ ଟାର୍ଗେଟରେ ଏଟିଏମ। ଏହାକୁ ଭାଙ୍ଗି ଲୁଟି ନେଉଛନ୍ତି ଲକ୍ଷ ଲକ୍ଷ ଟଙ୍କା। ବେଳେ ବେଳେ ଲୁଟପାଟ ଘଟଣାରେ ବିଫଳ ହୋଇଥାନ୍ତି ଲୁଟେରା। ସଦ୍ୟ ଏହାର ଉଦାହରଣ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲାର ତେନ୍ତୁଳିଖୁଣ୍ଟି ବ୍ଲକ ଅନ୍ତର୍ଗତ କଣ୍ଟା ଗାଁରେ। ଏଠାରେ ଥିବା ଏସବିଆଇ ଏଟିଏମର ଡିସପ୍ଲେ କାଚ ଭାଙ୍ଗି ଯାଇଥିବାବେଳେ କୌଣସି ଟଙ୍କା ଚୋରି ହୋଇନଥିବା ଜଣାପଡିଛି।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ସକାଳୁ ଏନେଇ ଖବର ପାଇବା ପରେ ଏସବିଆଇ କର୍ତ୍ତୃପକ୍ଷ ଏଟିଏମ ଭାଙ୍ଗିବା ବାବଦରେ ତେନ୍ତୁଳିଖୁଣ୍ଟି ପୋଲିସକୁ ଜଣାଇଥିଲେ। ଯାଞ୍ଚ ସମୟରେ ଟଙ୍କା ଚୋରି ହୋଇନଥିବା କେବଳ ଏଟିଏମର ଡିସପ୍ଲେ ଭାଙ୍ଗି ଯାଇଥିବା ଦେଖିବାକୁ ମିଳିଥିଲା। ଘଟଣାସ୍ଥଳରେ ପୋଲିସ ପହଞ୍ଚି ଏଟିଏମ ମଧ୍ୟରେ ଲାଗିଥିବା ସିସିଟିଭି ଯାଞ୍ଚ ସମୟରେ କମଳୁ ସୁନା ନାମକ ଏକ ବ୍ୟକ୍ତି ଏଭଳି ଭଙ୍ଗାରୁଜା କରିଥିବା ଜଣାପଡିଛି।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
