ନବରଙ୍ଗପୁର: ଜୁନ ମାସ ଆରମ୍ଭରୁ ଜିଲ୍ଲାରେ କୋରୋନା ଗ୍ରାଫ କେବେ ତଳମୁହାଁ ତ କେବେ ଉପରମୁହାଁ ହେବାରେ ଲାଗିଛି । କିନ୍ତୁ 100 ତଳକୁ ଖସୁନି ଦୈନିକ ଆକ୍ରାନ୍ତଙ୍କ ସଂଖ୍ୟା । ଗୁରୁବାର ଜିଲ୍ଲାରେ 146 ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ଶୁକ୍ରବାର 186 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଆଜିର (ଶୁକ୍ରବାର) ଚିହ୍ନଟ 186 ନୂଆ ଆକ୍ରାନ୍ତଙ୍କ ମଧ୍ୟରୁ ଝରିଗାଁ ବ୍ଲକରୁ 31 ଏବଂ ଉମରକୋଟ ପୌରାଞ୍ଚଳରୁ 24 ଜଣ ସର୍ବାଧିକ ଆକ୍ରାନ୍ତ ଚିହ୍ନଟ ହୋଇଥିବାବେଳେ ଉମରକୋଟ ବ୍ଲକରୁ 21, କୋଷାଗୁମୁଡା ଓ ପାପଡାହାଣ୍ଡି ବ୍ଲକରୁ 19 ଜଣ ଲେଖାଏଁ, ତେନ୍ତୁଳିଖୁଣ୍ଟି ବ୍ଲକରୁ 17, ନନ୍ଦାହାଣ୍ଡି ବ୍ଲକରୁ 15, ନବରଙ୍ଗପୁର ପୌରାଞ୍ଚଳ ଓ ରାଇଘର ବ୍ଲକରୁ 12 ଲେଖାଏଁ, ଚନ୍ଦାହାଣ୍ଡି ବ୍ଲକରୁ 11 ଏବଂ ନବରଙ୍ଗପୁର ବ୍ଲକରୁ 5 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି l
ଶୁକ୍ରବାର ନୂଆ ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତ ସଂଖ୍ୟା 21,881ରେ ପହଞ୍ଚିଛି l ମୋଟ ଆକ୍ରାନ୍ତଙ୍କ ମଧ୍ୟରୁ 20,112 ଜଣ ସମ୍ପୂର୍ଣ୍ଣ ସୁସ୍ଥ ହୋଇ ଘରକୁ ପେରିଛନ୍ତି l ଜିଲ୍ଲାରେ ବର୍ତ୍ତମାନ ସୁଦ୍ଧା 1,607 ଜଣ ସକ୍ରିୟ ଆକ୍ରାନ୍ତ ଥିବା ବେଳେ ସେଥିମଧ୍ୟରୁ 1,499 ନିଜ ଘରେ ଏକାନ୍ତବାସରେ ରହି ଚିକିତ୍ସା ଜାରି ରଖିଛନ୍ତି l ଆଜକୁ ଜିଲ୍ଲାରେ ମୋଟ 2 ଲକ୍ଷ 99 ହଜାର 855 ଜଣଙ୍କର ନମୁନା ସଂଗ୍ରହ କରାଯାଇ କୋଭିଡ ପରୀକ୍ଷା କରାଯାଇଥିବା ଜିଲ୍ଲା ପ୍ରଶାସନ ସୂତ୍ରରୁ ସୂଚନା ମିଳିଛି l
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
