ନବରଙ୍ଗପୁର: ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ବ୍ଲକ କନିଷ୍ଠ ଯନ୍ତ୍ରୀ ରଜନୀକାନ୍ତ ଭକ୍ତଙ୍କୁ ମରଣାନ୍ତକ ଆକ୍ରମଣ l ଦୁର୍ବୁତ୍ତଙ୍କ ଆକ୍ରମଣରେ ଗୁରୁତର ଆହତ ହୋଇଛନ୍ତି କନିଷ୍ଠ ଯନ୍ତ୍ରୀ । କଙ୍ଗ୍ରା ପଞ୍ଚାୟତରେ ହୋଇଥିବା ରାସ୍ତା, ସ୍କୁଲ ଓ ପାଚେରୀ କାମର ବିଲ ତଦାରଖ କରୁଥିବା ବେଳେ କାମର ବିଲ କରାଇଦେବା କୁ ନେଇ 6 ରୁ 7 ଜଣ ଦୁର୍ବୁତ୍ତ ବ୍ଲକ ପରିସରରରେ ନିଜ ଘରେ କାମ କରୁଥିବା ସମୟରେ ଘରରୁ ଡାକିଆଣି ଘେରି ଯାଇ ମୁଣ୍ଡରେ ବନ୍ଧୁକର ପଛପଟୁ ଆକ୍ରମଣ କରିଥିବା ଅଭିଯୋଗ ହୋଇଛି ।
ତେନ୍ତୁଳୀଖୁଣ୍ଟି ବ୍ଲକ କନିଷ୍ଠ ଯନ୍ତ୍ରୀଙ୍କୁ ଆକ୍ରମଣ
ଆକ୍ରମଣ ପରେ ରକ୍ତ ଜୁଡୁବୁଡୁ ଅବସ୍ଥାରେ ତେନ୍ତୁଳୀଖୁଣ୍ଟି ବିଡିଓଙ୍କ ସାହାଯ୍ୟରେ କନିଷ୍ଠ ଯନ୍ତ୍ରୀଙ୍କୁ ସ୍ଥାନୀୟ ତେନ୍ତୁଳୀଖୁଣ୍ଟି ଗୋଷ୍ଠି ସ୍ଵାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ପ୍ରାଥମିକ ଚିକିତ୍ସା ପରେ ବର୍ତ୍ତମାନ ଅବସ୍ଥା ସ୍ଥିର ରହିଥିବା ଚିକିତ୍ସକ ସୂଚନା ଦେଇଛନ୍ତି l
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
