ନବରଙ୍ଗପୁର: ଆବାସ ଯୋଜନାରେ ଚୟନ ତାଲିକାରେ ଅନିୟମିତତା ଅଭିଯୋଗ । ନାମ ନଥିବାରୁ ଅସନ୍ତୋଷ କରି ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି ତାଲିକାରୁ ବଞ୍ଚିତ ହିତାଧିକାରୀ । ନବରଙ୍ଗପୁର ପାପଡାହାଣ୍ଡି ବ୍ଲକର ଶତାଧିକ ହିତାଧିକାରୀ ଆବାସ ଯୋଜନାରେ ଗୃହ ନିମନ୍ତେ ବ୍ଲକ ପ୍ରଶାସନ ନିକଟରେ ହିତାଧିକାରୀ ଆବେଦନ କରିଥିଲେ ।
କିନ୍ତୁ ତାଲିକା ପ୍ରକାଶ ହେବା ପରେ ସେଥିମଧ୍ୟରୁ କେବଳ ପ୍ରାୟ ୧୦୦ ଜଣ ହିତାଧିକାରୀଙ୍କ ନାମ ଥିବାବେଳେ ଆବେଦନ କରିଥିବା ବାକି ସମସ୍ତଙ୍କ ନାମ ତାଲିକାରୁ ବାଦ ପଡିଥିବାବେଳେ ଅସନ୍ତୋଷ ଯାହାର କରିଛନ୍ତି ତାଲିକାରୁ ବାଦ ପଡିଥିବା ହିତାଧିକାରୀ ।
ଏ ବାବଦରେ ବ୍ଲକ ପ୍ରଶାସନଙ୍କ ନିକଟରେ ଗୁହାରି କରିବା ପରେ ମଧ୍ୟ କୌଣସି ସୁଫଳ ନମିଳିବାରୁ ବାଧ୍ୟ ହୋଇ ଜିଲ୍ଲାପ୍ରଶାସନଙ୍କ ନିକଟକୁ ଆସି ଗୁହାରି ଜଣାଇଥିଲେ । ତାଲିକାରୁ ବାଦ ପଡିଥିବା ପ୍ରାୟ ୩୦୦ରୁ ଉର୍ଦ୍ଧ ହିତାଧିକାରୀ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ଅଭିଯୋଗ କରିଛନ୍ତି ।
ଅପରପକ୍ଷରେ ଯୋଗ୍ୟ ବିବେଚିତ ହିତାଧିକାରୀଙ୍କ ନାମକୁ କୌଣସି ପ୍ରକାରେ ବାବଦରେ ତାଲିକାରୁ ବାଦ ହେବାକୁ ଦିଆଯିବ ନାହିଁ ଏବଂ ପ୍ରକୃତ ହିତାଧିକାରୀଙ୍କ ନାମକୁ ଖୁବଶୀଘ୍ର ତାଲିକାରେ ସାମିଲ କରାଯିବା ନେଇ ପଦକ୍ଷେପ ନିଆଯିବ ବୋଲି ଡାବୁଗାଁ ବିଧାୟକ ମନୋହର ରନ୍ଧାରୀ ପ୍ରକାଶ କରିଛନ୍ତି ।
ନବରଙ୍ଗପୁର ତପନ ବିଷୋୟୀ, ଇଟିଭି ଭାରତ
