ନବରଙ୍ଗପୁର: ଝରିଗାଁ ବ୍ଲକ ରଣୀଚଛରା ଗାଁରେ ଜଣେ ବ୍ୟକ୍ତିଙ୍କ ଘରେ ପଶିଗଲା ଭାଲୁ । ଦୀର୍ଘ 5 ଘଣ୍ଟା କାଳ ପରିଶ୍ରମ ପରେ ବନବିଭାଗ ଘରେ ପଶିଥିବା ଭାଲୁକୁ ଉଦ୍ଧାର କରିଛନ୍ତି ।
ଘରେ ପସିଥିଲା ଭାଲୁ, 5 ଘଣ୍ଟାର କସରତ ପରେ ଉଦ୍ଧାର କଲା wild life
ସୂଚନାଯୋଗ୍ୟ, ରଣୀଚଛରା ଗ୍ରାମର ଜଗି ସାନ୍ତାଙ୍କ ଘରେ ଭାଲୁଟି ପଶିଥିଲା । ସେହି ସମୟରେ ଘର ଭିତରେ 4 ଜଣ ରହିଥିଲେ । ସୌଭାଗ୍ୟବଶତଃ ଭାଲୁଟି କାଠ ରହିଥିବା ଏକ କୋଠରୀରେ ପଶିଥିଲା ।
ତେଣୁ ପରିବାର ଲୋକେ ଅଳ୍ପକେ ରକ୍ଷା ପାଇଥିଲେ । ଏହାପରେ ଭାଲୁ ଥିବା ଘରକୁ ବନ୍ଦ କରି ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ଝରିଗାଁ ବନ ବିଭାଗର କର୍ମଚାରୀ ପହଞ୍ଚିଥିଲେ । ପରେ ନବରଙ୍ଗପୁର ଡିଏଫଓଙ୍କ ନିର୍ଦ୍ଦେଶରେ 7 ଜଣିଆ ସ୍ୱତନ୍ତ୍ର ଟିମ ଆସି ଭାଲୁକୁ ଦୀର୍ଘ ୫ ଘଣ୍ଟା ପରିଶ୍ରମ ପରେ ଉଦ୍ଧାର କରିଥିଲେ । ତେବେ ଉଦ୍ଧାର ଭାଲୁକୁ ଚିକିତ୍ସା କରି ଜଙ୍ଗଲକୁ ଛଡାଯିବ ବୋଲି କହିଛନ୍ତି ବନବିଭାଗ କର୍ମଚାରୀ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
