ନବରଙ୍ଗପୁର: କୋରୋନା ପାଇଁ ଦେଶବ୍ୟାପୀ ହୋଇଥିବା ଲକଡାଉନ କାରଣରୁ ଦୋକାନ ବଜାର ସବୁ ବନ୍ଦ । ଆଉ ଏହି ଲକଡାଉନ କାରଣରୁ ବିଶେଷ ପ୍ରଭାବିତ ହେଉଛନ୍ତି କ୍ଷୁଦ୍ର ବ୍ୟବସାୟୀ । ଫଳରେ ନିଜ ଗୁଜୁରାଣ ମେଣ୍ଟାଇବା ସେମାନଙ୍କ ପକ୍ଷେ ସମ୍ଭବ ହୋଇ ପାରୁ ନାହିଁ । ମାସେରୁ ଉର୍ଦ୍ଧ୍ବ ସମୟଧରି ଚାଲିଥିବା ଲକଡାଉନ କାରଣରୁ ଜୀବିକା ହରାଇଛନ୍ତି ନବରଙ୍ଗପୁର ସହରର ପ୍ରାୟ 60ଗୋଟି ବାରିକ ପରିବାର ।
ଲକଡାଉନ ପାଇଁ ଜୀବିକା ହରାଇଲେ 60 ବାରିକ ପରିବାର, ସରକାରୀ ସହାୟତା ପାଇଁ ଦାବି
ଏମାନେ ନବରଙ୍ଗପୁର ସହରର ବିଭିନ୍ନ ସ୍ଥାନରେ ସେଲୁନ ଖୋଲି ରୋଜଗାର କରି ପରିବାର ଚଳାଉଥିଲେ l କିନ୍ତୁ ମହାମାରୀ କୋରୋନା କଟକଣା ଯୋଗୁ ମାସେ ହେବ ସେଲୁନ ବନ୍ଦ ରହିଛି, ଯଦ୍ବାରା ପରିବାର ପ୍ରତିପୋଷଣ ସେମାନଙ୍କ ପକ୍ଷେ ଶୋଚନୀୟ ହୋଇପଡିଛି । ତେବେ ସରକାରୀ ସହାୟତା ଯୋଗାଇ ଦେବା ପାଇଁ ଶୁକ୍ରବାର ବାରିକ ସଭାପତି ଗଣେଶ ବାରିକ ସଂଘ ପକ୍ଷରୁ ନବରଙ୍ଗପୁର ଜିଲ୍ଲାପାଳ ଅଜିତ କୁମାର ମିଶ୍ରଙ୍କୁ ଏକ ଦାବି ପତ୍ର ପ୍ରଦାନ କରିଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
