ନବରଙ୍ଗପୁର: ଜିଲ୍ଲା କୋଷାଗୁମୁଡା ପୋଲିସକୁ ମିଳିଛି ବଡ଼ ସଫଳତା । ଚଢାଉ କରି ୩୨୦୦ ବୋତଲ ଦେଶୀ ମଦ ଜବତ କରିଛି ପୋଲିସ । ଏଥିସହ ମାମଲାରେ ସମ୍ପୃକ୍ତ ଜଣକୁ ଗିରଫ ହୋଇଥିବା ଜଣାପଡ଼ିଛି ।
ସୂଚନା ଅନୁଯାୟୀ କୋଷାଗୁମୁଡା ଥାନା ଅଧିକାରୀ ଦୁର୍ଗା ମାଧବ ବାଘ କୌଣସି ସୂତ୍ରରୁ ଖବର ପାଇ ଦାଡ଼ିଆ ମାଝୀଗୁଡା ଗ୍ରାମରେ ଚଡାଉ କରି ୩୨୦୦ ବୋତଲ ମଦ କରିଛନ୍ତି । ଯାହା ଏକ କ୍ୟୁଣ୍ଟାଲରୁ ଅଧିକ ହେବ । ଲୋକଡାଉନର ସୁଯୋଗ ନେଇ ଚୋରାରେ ଚାଲାଣ ପାଇଁ ପ୍ରସ୍ତୁତ ହେଉଥିଲା ମଦ । ଏହି କାରବାର କରୁଥିବା ଅଶୋକ ଗୁପ୍ତାକୁ କୋଷାଗୁମୁଡା ପୋଲିସ ଗିରଫ କରି ତାଙ୍କ ବିରୁଦ୍ଧରେ ଥାନାରେ ୮୬/୨୦୨୧ ପ୍ରକାରେ ଏକ ମାମଲା ରୁଜୁକରି କୋର୍ଟଚାଲାଣ କରିଛି ।
କୋଷାଗୁମୁଡା ଥାନା ଅଞ୍ଚଳରେ ଏଭଳି ବହୁଳ ଭାବରେ ଚୋରା ମଦ କାରବାର ହେଉଛି । ପ୍ରତିଦିନ ଗାଁ ଗାଁକୁ ଦେଶୀ, ବିଦେଶୀ ମଦ ଚାଲାଣ ହେଉଥିବା ଅଭିଯୋଗ ହେଉଛି । କିଛି ବାହାରୁ ବି ମଦ ଚାଲାଣ ହେଉଥିବା ଅଭିଯୋଗ ହୋଇଛି । ପୋଲିସର ଏଭଳି ବାରମ୍ବାର ଚଢାଉରେ ମଦ ମାଫିଆମାନଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହେଇଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
