ନବରଙ୍ଗପୁର: ଅବକାରୀ ବିଭାଗକୁ ବଡ଼ ସଫଳତା । ଗଞ୍ଜେଇ ଚାଲାଣ ବେଳେ ଧରାପଡିଲେ 2 ଯୁବକ । ସେମାନଙ୍କୁ ନବରଙ୍ଗପୁର ଜିଲ୍ଲା ଜାମାଲ କଲୋନୀରୁ ଧରିଲା ପୋଲିସ । ଗିରଫ ହୋଇଥିବା ଦୁଇ ଅଭିଯୁକ୍ତ ଉତ୍ତରପ୍ରଦେଶର ବୋଲି ଜଣାପଡିଛି ।
ସୂଚନା ଅନୁସାରେ ମଙ୍ଗଳବାର ଭୋରୁ ପାଟ୍ରୋଲିଂ କରିବା ସମୟରେ 3 ଜଣ ଯୁବକ ପୋଲିସ ଗାଡିକୁ ଦେଖି ଦ୍ରୁତ ଗତିରେ ବାଇକ ଚଲାଇବାକୁ ଲାଗିଲେ । ତାଙ୍କର ହାବଭାବ ଦେଖି ପୋଲିସକୁ ସନ୍ଦେହ ହୋଇଥିଲା । ଉକ୍ତ 3ଜଣଙ୍କୁ କାବୁ କରିବା ପାଇଁ ଦୀର୍ଘ ୪ ଘଣ୍ଟାର ଅପେରସନ ଚାଲିଥିଲା । ଶେଷରେ 2 ଅଭିଯୁକ୍ତକୁ ପୋଲିସ ନିଜ କବଜାରେ ଆଣିପାରିଥିଲା । ଅନ୍ୟ ଜଣେ ଫେରାର ହେବାରେ ସଫଳ ହେଲା ।
2 ଅଭିଯୁକ୍ତକୁ ଅଟକ ରଖି 3ଟି ମୋଟର ସାଇକେଲ ଜବତ କରିବା ସହ 3ଟି ଗଞ୍ଜେଇ ଥିବା ବ୍ୟାଗ ଜବତ କରିଛି ଅବକାରୀ ବିଭାଗ । ଉକ୍ତ ଅଭିଯୁକ୍ତମାନଙ୍କୁ ଜାମାଲ କଲୋନୀ କିଛି ଯୁବକ ମାନେ ମଧ୍ୟ ଗଞ୍ଜେଇ ବ୍ୟବସାୟରେ ସାହାଯ୍ୟ କରୁଥିଲେ । ଜବତ ହୋଇଥିବା ଦୁଇଟି ଗାଡିର ନମ୍ବର ପ୍ଲେଟରେ ନମ୍ବର ନାହିଁ ଆଉ ଗୋଟିଏ ଗାଡିରେ ନମ୍ବର ହେଉଛି UP74 R 4815 ନମ୍ବର । ଏହାର ତଦନ୍ତ ହେଲା ପରେ ଦୁଇ ଜଣଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛନ୍ତି ପୋଲିସ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
