ନବରଙ୍ଗପୁର: ଜିଲ୍ଲାର ପନକାଗୁଡା ଗ୍ରାମରେ ଦୁଇ ନାବାଳିକା ଅପହରଣକୁ ନେଇ ଚାଞ୍ଚଲ୍ୟ ସୃଷ୍ଟି । ଏ ନେଇ ପରିବାର ଲୋକେ ଥାନାରେ ଏତଲା ଦେଇଛନ୍ତି । ଅଭିଯୋଗ ପରେ କୁନ୍ଦେଇ ପୋଲିସ ପକନାଗୁଡ଼ା ଗ୍ରାମକୁ ଯାଇ ଘର ଘର ବୁଲି ତଲାସି କରୁଥିବା ଦେଖିବାକୁ ମିଳିଛି ।
ଗତ ୪ ତାରିଖ ମଙ୍ଗଳବାର ଦିନ ରାଇଘର ବ୍ଲକ୍ ଗୋନା ଗ୍ରାମର ପ୍ରକାଶ ପାଣ୍ଡେଙ୍କ ୯ ବର୍ଷର ଝିଅ ଲଷ୍ମୀ ପାଣ୍ଡେ ପରିବାର ସହ ନିଜ ମାମୁଁ ଘର ପକନାଗୁଡ଼ା ଗ୍ରାମକୁ ବୁଲିବାକୁ ଆସିଥିଲେ । ଏବଂ ପକନାଗୁଡ଼ା ଗ୍ରାମର ମହାଦେବ ଗଣ୍ଡଙ୍କ ୯ ବର୍ଷର ଝିଅ ପଞ୍ଚବତୀ ତିଓ୍ବାରୀ ଦୁହେଁ ମିଶି ଦିନ ପ୍ରାୟ 2ଟା ବେଳେ ଘରୁ ଖେଳିବାକୁ ବାହାରି ଯାଇଥିଲେ । ଦିନ ତମାମ 2 ଝିଅ ଘରକୁ ନଫେରିବାରୁ ପରିବାର ସହିତ ଗାଁ ଲୋକେ ଆଖପାଖ ଅଞ୍ଚଳରେ ଖୋଜାଖୋଜି କରିଥିଲେ । କେଉଁଠି କିଛି ସନ୍ଧାନ ନମିଳିବାରୁ ଘରଲୋକେ କୁନ୍ଦେଇ ଥାନାରେ ଏତଲା ଦେଇଥିଲେ । ତେବେ ପରିବାର ସହିତ ତାଙ୍କର କୈଣସି ପୂର୍ବ ଶତ୍ରୁତା କିମ୍ବା ଏହି ଅଞ୍ଚଳରେ ବିଭିନ୍ନ ଜାଗାରେ ମାଘ ମଣ୍ତେଇ ଯାତ୍ରା ହେଉଥିବା ରୁ ନରବଳି ପାଇଁ ଅପହରଣ କରାଯାଇଥାଇ ପାରେ ବୋଲି ଅନେକ ପ୍ରଶ୍ନ ଉଠିଛି ।
ପରିବାର ଲୋକଙ୍କ ଏତଲା କୁ ଆଧାର କରି 2 ଦିନ ହେବ କୁନ୍ଦେଇ ପୋଲିସ ଗାଁ ସାରା ଘର ଘର ବୁଲି ଖୋଜା ଖୋଜି ଚଳାଇଛି । ଅନ୍ୟପଟେ କିଛି ବର୍ଷପୂର୍ବେ ମଧ୍ୟ ଏହି ଗ୍ରାମ ଆଖପାଖ ଅଞ୍ଚଳରେ ଜଣେ ମାଁ ଓ ଶିଶୁ ର ଜିଭ କାଟି ବଳି ଦିୟା ଯାଇଥିବା ବେଳେ ଏପର୍ଯ୍ୟନ୍ତ ତାହାର ତଦନ୍ତ ହେଇପାରିଲା ନାହିଁ ବୋଲି ନାବାଳିକାଙ୍କ ସମ୍ପର୍କୀୟ ପ୍ରତିକ୍ରିୟା ଦେଇଛନ୍ତି । ଏହି ଘଟଣା ସମ୍ପର୍କରେ ପୋଲିସ କ୍ୟାମେରା ସମ୍ମୁଖରେ କିଛି ପ୍ରକାଶ କରିବାକୁ ମନା କରିଦେଇଥିବାବେଳେ ତଦନ୍ତ ଚାଲିଛି ଏବଂ ସତ୍ୟାସତ୍ୟ ଖୁବ୍ ଶୀଘ୍ର ପଦାକୁ ଆସିବ ବୋଲି କୁନ୍ଦେଇ ଥାନା ଅଧିକାରୀ ପ୍ରକାଶ କରିଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
