ବାରିପଦା: ମୟୂରଭଞ୍ଜ ଜିଲ୍ଲା ବାରିପଦା ସଦର ଥାନା ଅନ୍ତର୍ଗତ ମାଧପୁର ଗ୍ରାମରେ ବିଭତ୍ସ ହତ୍ୟାକାଣ୍ଡ । ପାରିବାରିକ କଳହକୁ କେନ୍ଦ୍ର କରି ସାନ ଭାଇର କଟୁରି ଚୋଟରେ ବଡଭାଇର ମୃତ୍ୟୁ ହୋଇଛି । ମୃତକ ଜଣକ ହେଉଛି ମେଘରାୟ ସରେନ ହୋଇଥିବା ଜଣାପଡିଛି ।
ସୂଚନା ଅନୁଯାୟୀ, ବଡ ଭାଇ ପ୍ରତିଦିନ ନିଶାସକ୍ତ ଅବସ୍ଥାରେ ଘରକୁ ଆସି ଘରେ ଗାଳି ଗୁଲଜ କରୁଥିଲେ । ତେବେ ଗତକାଲି ମଧ୍ୟ ରାତ୍ରି ସମୟରେ ବଡ ଭାଇ ମଦ୍ୟପାନ କରି ଘରେ ଶୋଇଥିବା ସାନ ଭାଇ ସହ ଗଣ୍ଡଗୋଳ କରିଥିଲେ । ସାନଭାଇ କ୍ରୋଧର ବଶବର୍ତ୍ତୀ ହୋଇ ଏକ କଟୁରି ସାହାଯ୍ୟର ବଡ ଭାଇକୁ ଆକ୍ରମଣ କରିଥିଲା । ଫଳରେ ବଡଭାଇର ମୃତ୍ୟୁ ଘଟିଛି । ଖବର ପାଇ ଘଟଣାସ୍ଥଳରେ ବାରିପଦା ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିବା ସହ ଅଭିଯୁକ୍ତ ଲକ୍ଷ୍ମଣ ସରେନକୁ ଗିରଫ କରିଛି । ଏନେଇ ବାରିପଦା ସହର ପୋଲିସ ହତ୍ୟାକାଣ୍ଡର ମାମଲା ରୁଜ୍ଜୁ କରି ପରିବାରର ଅନ୍ୟ ସଦସ୍ୟଙ୍କ ଠାରୁ ପୁଙ୍ଖାନୁପୁଙ୍ଖ ତଥ୍ୟ ସଂଗ୍ରହ କରୁଛି । ଏଭଳି ଏକ ବିଭତ୍ସ ହତ୍ୟାକାଣ୍ଡରେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି।
ଇଟିଭି ଭାରତ, ମୟୂରଭଞ୍ଜ
