ବାରିପଦା: ବାରିପଦାରେ ଥିବା ଏକ ବାଇକ ସୋ ରୁମରେ ଆଜି (ଶୁକ୍ରବାର) ଏକ ଭିନ୍ନଧରଣର ଘଟଣା ଦେଖିବାକୁ ମିଳିଛି । ଜଣେ ଯୁବକ ୬୨ ହଜାର ଟଙ୍କାର ଖୁଚୁରା ପଇସାରେ ବାଇକ ସୋରୁମକୁ ଯାଇ ଏକ ବାଇକ କିଣିଛନ୍ତି । ବାରିପଦାର ଏକ ବାଇକ ସୋ’ ରୁମରେ ବିକାଶ ନାମକ ଜଣେ ଗ୍ରାହକ ଗାଡି କିଣିବା ପାଇଁ ଆସିଥିଲେ, ଆଉ ସାଙ୍ଗରେ ଆଣିଥିଲେ ଏହିସବୁ ଖୁଚୁରା ପଇସା ।
ଖୁଚୁରା ପଇସା ଦେଇ ସ୍କୁଟି କିଣିଲେ ଯୁବକ
୬୨ ହଜାର ଟଙ୍କାର ଖୁଚୁରା ପଇସା ସେ ପାଖାପାଖି ୧୫ ବର୍ଷ ଧରି ଜମା କରିଆସୁଥିଲେ । ଗତ ୩ ଦିନ ତଳେ ସେ ଗଣିବାରୁ ୬୨ ହଜାର ଟଙ୍କା ହୋଇଥିଲା ଏବଂ ସେହି ପଇସାରେ ସେ ଏକ ସ୍କୁଟି ନେବେ ବୋଲି ମନସ୍ଥ କରିଥିଲେ । ଏହାପରେ ଗ୍ରାହକ ଜଣଙ୍କ ସୋ’ରୁମର ମାଲିକଙ୍କ ସହ କଥା ହେବାରୁ ସେ ସୋରୁମକୁ ଆସିବା ପାଇଁ କହିଥିଲେ । ପରିଶେଷେରେ ବିକାଶ ଆଜି ଆସି ପଇସା ଦେଇ ସ୍କୁଟିଟେ କିଣିଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
