ରାଇରଙ୍ଗପୁର: ଶିମିଳିପାଳ ଅଭୟାରଣ୍ୟରେ ନିଆଁ ଲିଭିବାର ନାଁ ଧରୁନି । ଏପଟେ ନିଆଁ ଲଗାଇବା ଅଭିଯୋଗରେ ଜଣେ ଯୁବକଙ୍କୁ ଗରିଫ କରିଛି ବନବିଭାଗ । ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ଅନ୍ତର୍ଗତ ଦୁଧିଆଣି ରେଞ୍ଜ ଅଧିନସ୍ଥ ବାଦାମପାହାଡ ସଂରକ୍ଷିତ ଜଙ୍ଗଲରେ ନିଆଁ ଲଗାଇବା ବେଳେ ଜଣେ ଯୁବକଙ୍କୁ ଗିରଫ କରିଛି ବନବିଭାଗ ।
ଜଙ୍ଗଲରେ ନିଆଁ ଲଗାଇବା ଅଭିଯୋଗରେ ଯୁବକ ଗିରଫ
ଗିରଫ ଯୁବକ ଜଣକ ଜଶିପୁର ବ୍ଲକ ଚାକିଡି ଗ୍ରାମପଞ୍ଚାୟତ ଅନ୍ତର୍ଗତ ଆମ୍ବତଳିଆ ଗ୍ରାମର ହେମ୍ବ୍ରମ ପ୍ରଧାନ ବୋଲି ଦୁଧିଆଣି ରେଞ୍ଜ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି। ତେବେ ଘଟଣା ନେଇ ଯୁବକଙ୍କୁ ପଚରାଉଚରା ଜାରି ରଖିଛି ବନବିଭାଗ । ଏଥିରେ ଆଉ କେଉଁ ମାନେ ସଂଶ୍ଳିଷ୍ଟ ଅଛନ୍ତି ସେ ନେଇ ଛାନଭିନ ଜାରି ରଖିଛି ବନବିଭାଗ।
ସେପଟେ ଶିମିଳିପାଳ ଅଭୟାରଣ୍ୟରେ ଗୋଟିଏ ପଟେ ନିଆଁ ଲିଭାଇବା କାର୍ଯ୍ୟରେ ବନବିଭାଗ ଓ ଅଗ୍ନିଶମ ବିଭାଗ ନିୟୋଜିତ ହୋଇ ନିଆଁ ଲିଭାଉଥିବା ବେଳେ ଅନ୍ୟପଟେ ସଚେତନତାର ଅଭାବରୁ ଜଙ୍ଗଲରେ ନିଆଁ ଲଗାଉଛନ୍ତି ସ୍ଥାନୀୟ ଲୋକେନ ।
ରାଇରଙ୍ଗପରରୁ ସଞ୍ଜୟ କୁମାର ପରିଡା, ଇଟିଭି ଭାରତ
