ବାରିପଦା: ମୟୂରଭଞ୍ଜ ଜିଲ୍ଲା ପ୍ରଶାସନ ପକ୍ଷରୁ ବିଶ୍ଵ ବାଉଁଶ ଦିବସ ପାଳିତ ହୋଇଯାଇଛି । ବାରିପଦା ସ୍ଥିତ ପ୍ରୟାସ ସମ୍ମିଳନୀ କକ୍ଷରେ ବିଶ୍ଵ ବାଉଁଶ ଦିବସ ପାଳିତ ହୋଇଛି ।
ଭିଡିଓ ସୌଜନ୍ୟ : ସମ୍ବାଦଦାତା,ମୟୂରଭଞ୍ଜ
ଜନଜାତି ଜୀବନ ଜୀବିକା ଉନ୍ନତିରେ ବାଉଁଶ ଭୂମିକାକୁ ନେଇ ଏକ କର୍ମଶାଳା ଆୟୋଜନ କରାଯାଇଛି । ଏହି କର୍ମଶାଳାକୁ ଓଡିଶା ବାଉଁଶ ଉନ୍ନୟନ ସଂସ୍ଥାର ନିର୍ଦ୍ଦେଶକ ଏ କେ ପାଠକଙ୍କ ଅଧ୍ୟକ୍ଷତାରେ କରିଛନ୍ତି । ଜିଲ୍ଲାର ବାଉଁଶ ଚାଷୀ ମାନଙ୍କର ଅବସ୍ଥା ,ବାଉଁଶକୁ ବ୍ୟବହାର କରି ବାଉଁଶ ଚାଷୀ କିପରି ଅଧିକ ଟଙ୍କା ଉପାର୍ଜନ କରିପାରିବେ ତାହା ଏହି କର୍ମଶାଳାରେ ଆଲୋଚନା କରାଯାଇଥିଲା । ବାଉଁଶ କାରିଗରଙ୍କ ଦ୍ଵାରା ବାଉଁଶରୁ ନିର୍ମିତ ବିଭିନ୍ନ ସାମଗ୍ରୀ ଓ ଉପକରଣ ଗୁଡିକ ଏହି କର୍ମଶାଳାରେ ପ୍ରଦର୍ଶିତ ହୋଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
