ବାରିପଦା: ଦିନେ ଜଙ୍ଗଲରୁ କାଠ କାଟି ବିକ୍ରି କରୁଥିଲେ । ଆଉ କାଠ ମାଫିଆ ଭାବେ ଚାରିଆଡେ ନିନ୍ଦିତ ହେଉଥିଲେ । ହେଲେ ଏବେ ବଦଳିଯାଇଛି ପରିସ୍ଥିତି । କାଠ ମାଫିଆରୁ ପ୍ରକୃତି ପ୍ରେମୀ ପାଲଟିଯାଇଛନ୍ତି ମୟୂରଭଞ୍ଜ ଜିଲ୍ଲା ସାରସକଣା ବ୍ଲକ ଧାନଘେରୀ ଗାଁର ଗୋପାଳ ମୁର୍ମୁ । ନିଜ ଗାଁ ବାଡିରେ ସୃଷ୍ଟି କରିଛନ୍ତି ଛୋଟ ଜଙ୍ଗଲ ।
ପୂର୍ବରୁ ଜଙ୍ଗଲରୁ କାଠ କାଟି ବିକ୍ରି କରୁଥିବାବେଳେ କାଠ ବ୍ୟବସାୟ ଛାଡି ଗଛ ଲଗାଇବା ନିଶାରେ ପଡିଛନ୍ତି ଗୋପାଳ । 2002 ମସିହାରୁ ଗୋପାଳ ନିଜ ଉଦ୍ୟମରେ ପ୍ରଥମେ ଶାଳ ଗଛ ଚାରା ପକାଇ ଆରମ୍ଭ କରିଥିଲେ ବାଡିରେ ଗଛ ଲଗାଇବା ପ୍ରକ୍ରିୟା ।
ପରେ ଶାଳ ସହିତ ଚନ୍ଦନ, ମହୁଲ, ରୁଦ୍ରାକ୍ଷ ଭଳି ମୂଲ୍ୟବାନ ଗଛ ଲଗାଇ ଏହାର ରକ୍ଷଣାବେକ୍ଷଣ କରୁଛନ୍ତି ଗୋପାଳ । ଖାଲି ସେତିକି ନୁହେଁ ସପୁରୀ, ଅଶୋକ, ଲେମ୍ବୁ ଆଦି ଗଛ ଲଗାଇ ବାଡିକୁ କୁତ୍ରିମ ଜଙ୍ଗଲରେ ପରିଣତ କରିଛନ୍ତି ସେ ।
ତେବେ ସବୁଠାରୁ ବଡକଥା ହେଉଛି ଶାଳ ଗଛ ଚାରାରୋପଣ ପରେ ଶାଳ ଜଙ୍ଗଲ ସୃଷ୍ଟି କରିବା ସହଜ ହୋଇନଥିଲେ ମଧ୍ୟ ସେ ତାହା କରି ଦେଖାଇଛନ୍ତି । ଏନେଇ ତାଙ୍କୁ ପରିବାରର ସମର୍ଥନ ମଧ୍ୟ ମିଳିଛି । ସେପଟେ ଗୋପାଳଙ୍କ ଏପରି ନିଶା ଦେଖି ତାଙ୍କୁ ଗ୍ରାମବାସୀ ମଧ୍ୟ ପ୍ରଶଂସାରେ ପୋତି ପକାଇଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
ବାରିପଦା: ଦିନେ ଜଙ୍ଗଲରୁ କାଠ କାଟି ବିକ୍ରି କରୁଥିଲେ । ଆଉ କାଠ ମାଫିଆ ଭାବେ ଚାରିଆଡେ ନିନ୍ଦିତ ହେଉଥିଲେ । ହେଲେ ଏବେ ବଦଳିଯାଇଛି ପରିସ୍ଥିତି । କାଠ ମାଫିଆରୁ ପ୍ରକୃତି ପ୍ରେମୀ ପାଲଟିଯାଇଛନ୍ତି ମୟୂରଭଞ୍ଜ ଜିଲ୍ଲା ସାରସକଣା ବ୍ଲକ ଧାନଘେରୀ ଗାଁର ଗୋପାଳ ମୁର୍ମୁ । ନିଜ ଗାଁ ବାଡିରେ ସୃଷ୍ଟି କରିଛନ୍ତି ଛୋଟ ଜଙ୍ଗଲ ।
ପୂର୍ବରୁ ଜଙ୍ଗଲରୁ କାଠ କାଟି ବିକ୍ରି କରୁଥିବାବେଳେ କାଠ ବ୍ୟବସାୟ ଛାଡି ଗଛ ଲଗାଇବା ନିଶାରେ ପଡିଛନ୍ତି ଗୋପାଳ । 2002 ମସିହାରୁ ଗୋପାଳ ନିଜ ଉଦ୍ୟମରେ ପ୍ରଥମେ ଶାଳ ଗଛ ଚାରା ପକାଇ ଆରମ୍ଭ କରିଥିଲେ ବାଡିରେ ଗଛ ଲଗାଇବା ପ୍ରକ୍ରିୟା ।
ପରେ ଶାଳ ସହିତ ଚନ୍ଦନ, ମହୁଲ, ରୁଦ୍ରାକ୍ଷ ଭଳି ମୂଲ୍ୟବାନ ଗଛ ଲଗାଇ ଏହାର ରକ୍ଷଣାବେକ୍ଷଣ କରୁଛନ୍ତି ଗୋପାଳ । ଖାଲି ସେତିକି ନୁହେଁ ସପୁରୀ, ଅଶୋକ, ଲେମ୍ବୁ ଆଦି ଗଛ ଲଗାଇ ବାଡିକୁ କୁତ୍ରିମ ଜଙ୍ଗଲରେ ପରିଣତ କରିଛନ୍ତି ସେ ।
ତେବେ ସବୁଠାରୁ ବଡକଥା ହେଉଛି ଶାଳ ଗଛ ଚାରାରୋପଣ ପରେ ଶାଳ ଜଙ୍ଗଲ ସୃଷ୍ଟି କରିବା ସହଜ ହୋଇନଥିଲେ ମଧ୍ୟ ସେ ତାହା କରି ଦେଖାଇଛନ୍ତି । ଏନେଇ ତାଙ୍କୁ ପରିବାରର ସମର୍ଥନ ମଧ୍ୟ ମିଳିଛି । ସେପଟେ ଗୋପାଳଙ୍କ ଏପରି ନିଶା ଦେଖି ତାଙ୍କୁ ଗ୍ରାମବାସୀ ମଧ୍ୟ ପ୍ରଶଂସାରେ ପୋତି ପକାଇଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
Please write to us, for media partnership and Ad-sales inquiries. Email: adops@etvbharat.com
