ରାଇରଙ୍ଗପୁର : ଧାନ କଳରେ ଚାପି ହୋଇ ମହିଳାଙ୍କ ଶୋଚନୀୟ ମୃତ୍ୟୁ ଘଟିଛି । ମୟୂରଭଞ୍ଜ ଜିଲ୍ଲା ଯଶୀପୁର ଥାନା ଅନ୍ତର୍ଗତ ଗୋଡ଼ପଳସା ଗାଁରେ ଘଟିଛି ଏହି ଅଘଟଣ । ମୃତ ମହିଳା ଜଣକ ଗୋଡ଼ପଳସା ଗାଁର ଶରଶି ସୁନ୍ଦରୀ ମହାନ୍ତି ବୋଲି ଜଣାପଡିଛି ।
ତେବେ ମହିଳା ଜଣକ ଧାନ ପେଶୁଥିବା ସମୟରେ ଅସାବଧାନତାବଶତଃ ଧାନ ପେଶା ମେସିନ ସଂସ୍ପର୍ଶରେ ଆସି ଯାଇଥିଲେ । ତାଙ୍କୁ ତୁରନ୍ତ ଯଶୀପୁର ମେଡିକାଲକୁ ନିଆଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ଯଶୀପୁର ଥାନା ପୋଲିସ ତଦନ୍ତ ଆରମ୍ଭ କରି ଧାନକଳ ମାଲିକଙ୍କ ନାଁରେ ଏକ ମାମଲା ରୁଜ୍ଜୁ କରିଥିବା ସୂଚନା ମିଳିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
