ବାରିପଦା: ପାନୀୟ ଜଳ ସମସ୍ୟାକୁ ନେଇ ରାଜରାସ୍ତାରେ ସାଧାରଣ ଲୋକେ । ଦୀର୍ଘଦିନ ଧରି ସପ୍ଲାଇ ପାଣି ପାଇପ ଯୋଗେଁ ଆସୁ ନଥିବାରୁ ବାରିପଦା ସହରର ୧୩ ନମ୍ବର ୱାର୍ଡବାସୀ ଷ୍ଟେସନ ବଜାର ରାସ୍ତାକୁ ଅବରୋଧ କରିଛନ୍ତି । ସୋମବାର ଶତାଧିକ ମହିଳା ଗରା ବାଲଟି ରଖି ବାରିପଦା ରେଲୱେ ଷ୍ଟେସନ ସମ୍ମୁଖ ରାସ୍ତାରେ ଧାରଣାରେ ବସିଛନ୍ତି ।
ପାଣି ପାଇଁ ରାସ୍ତା ରୋକ
ଦୀର୍ଘଦିନରୁ ପାଣି ଆସୁନଥିବାରୁ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି ୧୩ ନମ୍ବର ୱାର୍ଡ ବାସିନ୍ଦା । ଏ ବାବଦରେ ବାରମ୍ବାର ଉଚ୍ଚ ପଦସ୍ଥ କର୍ମଚାରୀଙ୍କ ଦ୍ବାରସ୍ଥ ହୋଇ ନିରାଶ ହେବାରୁ ଆଜି ବାଧ୍ୟ ହୋଇ ସହରର ମୁଖ୍ୟ ରାସ୍ତାକୁ ବନ୍ଦ କରିଛନ୍ତି ।
ତେବେ ଯେ ପର୍ଯ୍ୟନ୍ତ ତାଙ୍କ ସମସ୍ୟାର ସ୍ଥାୟୀ ସମାଧାନ କରାନଯାଇଛି ସେ ପର୍ଯ୍ୟନ୍ତ ରାସ୍ତାରୁ ଉଠିବେ ନାହିଁ ବୋଲି ଚେତାବନୀ ଦେଇଛନ୍ତି। ଘଟଣା ସ୍ଥଳରେ ପୋଲିସ ଓ ବିଭାଗୀୟ ଅଧିକାରୀ ପହଞ୍ଚି ଆଲୋଚନା ଜାରି ରଖିଛନ୍ତି।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
