ରାଇରଙ୍ଗପୁର : ଅପରିଚିତ ଅସହାୟ ମହିଳା ଓ 4 ବର୍ଷର ଶିଶୁପୁଅ ଉଦ୍ଧାର । ଏଭଳି ଏକ ଅଭାବନୀୟ ଘଟଣା ମୟୂରଭଞ୍ଜ ଜିଲ୍ଲା ଯଶିପୁର ବ୍ଳକ ଟଙ୍ଗାବିଲା ନିକଟରେ ଦେଖିବାକୁ ମିଳିଛି । ଅସହାୟ ମହିଳା ଗର୍ଭବତୀ ଥିବା ଜଣାପଡିଛି ।
ଟଙ୍ଗାବିଲା ଅଞ୍ଚଳରେ ଅପରିଚିତ ଗର୍ଭବତୀ ମହିଳା ଏବଂ ତାଙ୍କର ଏକ ୩/୪ ବର୍ଷର ପୁଅ ଗତ ଏକ ମାସ ହେବ ଟଙ୍ଗାବିଲା ଅଞ୍ଚଳରେ ଏଣେ ତେଣେ ବୁଲୁଥିବା ଦେଖାଯାଇଥିଲା । ଏହି ବିଷୟରେ ଚନ୍ଦନ ମହାନ୍ତ ନାମକ ସାମାଜିକ କର୍ମୀ ଉପ-ଜିଲ୍ଲାପାଳ କରଞ୍ଜିଆ, ଯଶିପୁର CDPO ଏବଂ ସ୍ଥାନୀୟ ଟଙ୍ଗାବିଲା ସରପଞ୍ଚଙ୍କୁ ଅବଗତ କରାଇଥିଲେ ।
ପ୍ରଶାସନ ତତ୍ପରତା ଦେଖାଇ ଉକ୍ତ ଅପରିଚିତ ମହିଳାଙ୍କୁ ଉଦ୍ଧାର କରିଛି । କେହି ତାଙ୍କୁ ପାଶବିକ ଅତ୍ୟାଚାର କରିଥିବାରୁ ମହିଳା ଜଣକ ପାଞ୍ଚ-ଛଅ ମାସର ଗର୍ଭବତୀ ଥିବା ଜଣାପଡ଼ିଛି। ତେବେ ଉକ୍ତ ମହିଳା ଜଣଙ୍କ କେଉଁଠୁ ଆସିଲେ କେଉଁଠି କାର କିଛି ଜଣା ପଡି ନ ଥିବା ବେଳେ ଏପରି ଅବସ୍ଥାରେ ଏଣେ ତେଣେ ଭୋକ ଉପାସରେ ବୁଲୁଥିବାରୁ କେତେ ବେଳେ ବି କିଛି ଅଘଟଣ ଘଟିବ ତାହା କହି ହେବ ନାହିଁ ।
ସକାଳୁ ସକାଳୁ ଏଇ ନିଃସହାୟ ଅପରିଚିତ ମହିଳାଙ୍କୁ ବୁଲୁଥିବାର ଦେଖି ସାମାଜିକ କର୍ମୀ ଉଦ୍ଧାର କରିବା ସହିତ ସ୍ଥାନୀୟ ଅଙ୍ଗନୱାଡି କେନ୍ଦ୍ରକୁ ନେଇ ଖାଇବା ପିଇବା ବ୍ୟବସ୍ଥା କରିଛନ୍ତି । ଉଭୟ ମା ଏବଂ ଛୁଆକୁ ସୁଧାର ଗୃହ ନେବାକୁ ସମସ୍ତଙ୍କୁ ଖବର ଦେଇ ମାନବିକତାର ପରିଚୟ ଦେଖାଇଛନ୍ତି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
