ବାରିପଦା: ଛେଳି ଚୋରି ଅଭିଯୋରେ ଦୁଇ ଜଣଙ୍କୁ ନିସ୍ତୁକ ମାଡ ମାରିଲେ ଗ୍ରାମବାସୀ । ମୟୂରଭଞ୍ଜ ଜିଲ୍ଲା ଚାନ୍ଦୁଆ ଥାନା ଚାନ୍ଦୁଆ ଗ୍ରାମରେ ଦେଖିବାକୁ ମିଳିଛି ଏ ଭଳି ଘଟଣା ।
ଦୁଇ ଛେଳି ଚୋରଙ୍କୁ କାଙ୍ଗାରୁ କୋର୍ଟରେ ଦଣ୍ଡ, ଦେଖନ୍ତୁ ଭିଡିଓ
ସୂଚନା ଅନୁଯାୟୀ, ବାରିପଦା ସହରର ଦୁଇଜଣ ଯୁବକ ଚାନ୍ଦୁଆ ଅଞ୍ଚଳକୁ ହାଟ ପାଇଁ ଯାଇଥିଲେ । ସେହି ସମୟରେ ସେମାନଙ୍କୁ ଛେଳି ଚୋର ଭଳି ସଙ୍ଗୀନ ଅଭିଯୋଗ ଆଣି ଚାନ୍ଦୁଆ ଗ୍ରାମବାସୀ ପୋଲିସକୁ ଜିମା ଦେବା ପରିବର୍ତ୍ତେ ନିଜେ ଆଇନକୁ ହାତକୁ ନେଇ ଦୁଇ ଯୁବକଙ୍କୁ ନିସ୍ତୁକ ମାଡ ମାରିଥିଲେ । ଗାଁରେ କଙ୍ଗାରୁ କୋର୍ଟ ବସାଇ ଗ୍ରାମବାସୀ ଦଣ୍ଡଦେବା ଭିଡିଓ ଏବେ ସୋସିଆଲ ମିଡିଆରେ ଭାଇରଲ ହୋଇଛି । ତେବେ ଗ୍ରାମବାସୀ ଦୁଇ ଜଣ ଯୁବକଙ୍କୁ ନିସ୍ତୁକ ମାଡ ମାରିବା ସହ ଯୁବକଙ୍କ ପୋଷାକ ଛିଣ୍ଡାଇ ଦେଇଥିବା ଦେଖିବାକୁ ମିଳିଛି ।
ଖବର ପାଇ ଚାନ୍ଦୁଆ ପୋଲିସ ଘଟଣାସ୍ଥଳରେ ପହଞ୍ଚି ଦୁଇ ଜଣ ଯୁବକଙ୍କୁ ଉଦ୍ଧାର କରିବା ସହ ଥାନାରେ ଅଟକ ରଖି ତଦନ୍ତ ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
