ରାଇରଙ୍ଗପୁର : ଅଗ୍ନିକାଣ୍ଡରେ ଜଳିଗଲା ତିନି ବଖରା ଘର । ମୟୂରଭଞ୍ଜ ଜିଲ୍ଲା ଯାମଦା ଥାନା ଅନ୍ତର୍ଗତ ଚାନ୍ଦିଖମଣ ଡୁଙ୍ଗୁରି ସାହିରେ ଘଟିଛି ଅଗ୍ନିକାଣ୍ଡ । ଜଙ୍ଗଲ ନିଆଁରେ ଭାଦ ସୋରେନଙ୍କ ତିନି ବଖରା ଘର ସହ ଦୁଇଟି ଚାଳ ଘର ଜଳିଯାଇ ଭସ୍ମୀଭୂତ ହୋଇଯାଇଛି ।
ସୂଚନା ଅନୁଯାୟୀ ବହଳଦା ରେଞ୍ଜ ଅନ୍ତର୍ଗତ ବୁଢେଇରଣା ଜଙ୍ଗଲରେ ନିଆଁ ଲାଗିବାରୁ ଜଙ୍ଗଲ ନିଆଁ ବ୍ୟାପି ଡୁଙ୍ଗୁରିସାହିକୁ ମାଡ଼ି ଆସିଥିଲା । ହେଲେ ଏ ନେଇ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା କିନ୍ତୁ, ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚିବା ପୂର୍ବରୁ ଭାଦୋ ସୋରେନଙ୍କ ତିନି ବଖରା ଘର ସହ ଦୁଇଟି ଚାଳ ଘର ଜଳି ଯାଇଥିଲା । ତେବେ ସମସ୍ତ ଆସବାବପତ୍ର ସହିତ ଟଙ୍କା, ପଇସା, ସୁନା ଗହଣା, ସାଇକେଲ ଜଳି ନଷ୍ଟ ହୋଇ ଯାଇଥିଲା । ସେପଟେ ଖବର ପାଇ ସ୍ଥାନୀୟ ଆରଆଇ କ୍ଷୟକ୍ଷତି ଆକଳନ କରିବା ସହ ଗୋଟିଏ ତାରପୋଲିନ୍ ଦେଇଥିବାବେଳେ ହେଁସଡା ଗ୍ରାମପଞ୍ଚାୟତର ସରପଞ୍ଚ ଭରତ ଚନ୍ଦ୍ର ଦେଓଗାମ ଖାଦ୍ୟ ସାମଗ୍ରୀ ଯୋଗାଇ ଦେଇଥିଲେ ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
