ବାରିପଦା: ମୟୂରଭଞ୍ଜ ଜିଲ୍ଲା ଦେଇ ଯାଇଥିବା ୧୮ ନମ୍ବର ଜାତୀୟ ରାଜପଥ କୁଳିଅଣା ଥାନା ଅନ୍ତର୍ଗତ ମାଛକାନ୍ଦଣା ନିକଟରେ ଦୁର୍ଘଟଣା । ଦୁର୍ଘଟଣାରେ ଜଣେ ମୃତ ଓ ଅନ୍ୟଜଣେ ଗୁରୁତର । ସୂଚନାନୁଯାୟୀ ଧଳା ପଥର ବୋଝେଇ ଏକ ଡ଼ମ୍ପର ବାରିପଦା ଅଭିମୁଖେ ଯାଉଥିଲା ବେଳେ ଜାତୀୟ ରାଜପଥ ମାଛ କାନ୍ଦଣା ଛକ ନିକଟରେ ଜାତୀୟ ରାଜପଥ ପାର୍ଶ୍ଵରେ ଛିଡା ହୋଇଥିବା ହେଇଥିବା ଏକ ଚିପ୍ସ ବୋଝେଇ ଡ଼ମ୍ପରକୁ ପଛରେ ଧକ୍କା ଦେଇଥିଲା ।
ଡ଼ମ୍ପରକୁ ପଛପଟୁ ପିଟିଲା ଜମ୍ପର, ଜଣେ ମୃତ
ଫଳରେ ଧଳା ପଥର ବୋଝେଇ ଡ଼ମ୍ଫର ଚାଳକଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ଚାଳକ ଜଣକ କୁଳିଅଣା ଥାନା ଅନ୍ତର୍ଗତ ଭଗବାନ ପୁର ଗାଁର କାଳିଆ ସିଂ ବୋଲି ଜଣାପଡ଼ିଛି । ରାସ୍ତା ପାର୍ଶ୍ଵରେ ଛିଡା ହୋଇଥିବା ଅନ୍ୟ ଏକ ଡମ୍ପର ଚାଳକ ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡ଼ିଛି । ଘଟଣାସ୍ଥଳରେ କୁଳିଅଣା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
