ବାରିପଦା: ମୟୂରଭଞ୍ଜ ଜିଲ୍ଲାରେ ଆରମ୍ଭ ହେଲା ଭ୍ରାମ୍ୟମାଣ ରକ୍ତଦାନ ଅଭିଯାନ ଗାଡି । ଖୋଦ ଜିଲ୍ଲାପାଳ ବିନୀତ ଭରଦ୍ବାଜ ରକ୍ତଦାନ କରି ଏହାର ଶୁଭାରମ୍ଭ କଲେ କୋରୋନା ଭାଇରସ ସଂକ୍ରମଣ ରୋକିବାକୁ ଦେଶ ଲକଡାଉନରେ ଥିବା ବେଳେ ରକ୍ତ ଭଣ୍ଡାରରେ ରକ୍ତର ଘୋର ଅଭାବ ଦେଖାଦେଇଛି । ତେବେ ରକ୍ତ ସଙ୍କଟ ଦୂର ପାଇଁ ମୟୂରଭଞ୍ଜ ଜିଲ୍ଲା ପ୍ରଶାସନ ଅଣ୍ଟା ଭିଡ଼ିଛି । ଅଭିନବ ଉପାୟରେ ରକ୍ତ ସଂଗ୍ରହ ପାଇଁ ଭ୍ରାମ୍ୟମାଣ ରକ୍ତଦାନ ଗାଡିରେ ରକ୍ତ ସଂଗ୍ରହ ଲକ୍ଷ୍ୟ ରଖି ଶୁକ୍ରବାର ଏହି ଭ୍ରାମ୍ୟମାଣ ରକ୍ତଦାନ ଗାଡିକୁ ଉଦଘାଟନ କରି ଶୁଭାରମ୍ଭ କରିଛନ୍ତି ରାଜସ୍ବ ଓ ବିପର୍ଯ୍ୟୟ ମନ୍ତ୍ରୀ ସୁଦାମ ମାରାଣ୍ଡି ।
ତେବେ କୋରୋନା ଭାଇରସ ସଂକ୍ରମଣ ସମୟରେ ମୟୂରଭଞ୍ଜ ଜିଲ୍ଲାପାଳ ଭିନିତ ଭରଦ୍ବାଜ ରକ୍ତଦାନ କରି ମୟୂରଭଞ୍ଜବାସୀଙ୍କ ହୃଦୟ ଜିଣି ପାରିଛନ୍ତି । ଶୁକ୍ରବାର ଠାରୁ ଜିଲ୍ଲାର ବିଭିନ୍ନ ସ୍ଥାନରେ ଏହି ଭ୍ରାମ୍ୟମାଣ ରକ୍ତଦାନ ଗାଡି ବୁଲି ବୁଲି ସ୍ବେଚ୍ଛାକୃତ ରକ୍ତଦାତାଙ୍କ ଠାରୁ ରକ୍ତ ସଂଗ୍ରହ କରିବ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
