ବାରିପଦା: ତହସିଲଦାରଙ୍କ ସରକାରୀ ଗାଡି ଧକ୍କାରେ ଫାର୍ମାସିଷ୍ଟ ଛାତ୍ର ଗୁରୁତର । ଗୁରୁତର ଛାତ୍ରଙ୍କୁ ଉଦ୍ଧାର କରି ଚିକିତ୍ସା ପାଇଁ ପିଆରଏମ ମେଡ଼ିକାଲ କଲେଜରେ ଭର୍ତ୍ତି କରାଯାଇଛି । ଛାତ୍ର ଜଣକ ବାରିପଦା ସହର ଦେଉଳସାହିର ଉତ୍ତମ ନାୟକ ସେ ମୟୂରଭଞ୍ଜ ଫାର୍ମାସିଷ୍ଟ ଏକାଡେମୀର ଛାତ୍ର ରହିଛନ୍ତି ।
ତହସିଲଦାରଙ୍କ ଗାଡି ଧକ୍କାରେ ଫାର୍ମାସିଷ୍ଟ ଛାତ୍ର ଗୁରୁତର
ସୂଚନା ଅନୁଯାୟୀ ବାରିପଦା ସଦର ଥାନା ଅନ୍ତର୍ଗତ ମଇଳା ଖାଦାନ ନିକଟରେ ତହସିଲଦାର ଗାଡି ଏବଂ ବିପରୀତ ଦିଗରୁ ଆସୁଥିବା ଛାତ୍ରଙ୍କ ବାଇକ ସହ ମୁଁହାମୁହିଁ ଧକ୍କା ହୋଇଥିଲା । ତେବେ ଦୁର୍ଘଟଣା ପରେ ତହସିଲଦାର ଏବଂ ତାଙ୍କ ସହ ଥିବା ଆର.ଆଇ. ୧ ଓ ୨, ଆହତ ହୋଇଥିବା ଛାତ୍ରଙ୍କୁ ସାହାଯ୍ୟ କରିବା ବଦଳରେ ଚମ୍ପଟ ମାରିଥିବା ଆହତ ଛାତ୍ରଙ୍କ ସମ୍ପର୍କୀୟ ଅଭିଯୋଗ ଆଣିଛନ୍ତି । ତହସିଲଦାରଙ୍କ ଗାଡି ଚାଳକ ବେପାରୁଆ ଭାବେ ଗାଡି ଚାଳନା ପାଇଁ ଦୁର୍ଘଟଣା ଘଟିଥିବା ଆହତ ଛାତ୍ରଙ୍କ ବାପା ଅଭିଯୋଗ କରିଛନ୍ତି । ଆହତ ଛାତ୍ରର ସମସ୍ତ ମେଡିକାଲ ଖର୍ଚ୍ଚ ବହନ କରିବାକୁ ଦାବି କରିଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
