ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ୱାର୍ଡ ନମ୍ବର ୨ରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ସ୍ୱର୍ଗତ କୀର୍ତ୍ତନ ମହାକୁଡ଼ଙ୍କ ଘରୁ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି କରଞ୍ଜିଆ ଥାନା ପୋଲିସ । ମୃତକଙ୍କ ଘର ଡିଆଯୋଡ଼ି ଗ୍ରାମରେ ହୋଇଥିବା ବେଳେ ସେ ଚେନ୍ନାଇରେ ଏକ ସୂତାକଳରେ କାମ କରୁଥିଲେ ।
ସନ୍ଦେହ ଘେରରେ ଯୁବକର ମୃତ୍ୟୁ, ପୋଲିସ ଓ ସାଇଣ୍ଟିଫିକ ଟିମର ତଦନ୍ତ ଜାରି
ତେବେ ସେ ଦୁଇ ଦିନ ପୂର୍ବରୁ ସ୍ୱର୍ଗତ ମହାକୁଡ଼ଙ୍କ ଘରକୁ ଆସିଥିଲେ । ହେଲେ ଆଜି ତାଙ୍କ ଘରୁ ଉକ୍ତ ଯୁବକଙ୍କ ମୃତଦେହ ମିଳିଥିଲା । ସେପଟେ ଅଧିକ ତଦନ୍ତ ପାଇଁ ବାରିପଦାରୁ ସାଇଣ୍ଟିଫିକ ଟିମ୍ ଆସି ଘଟଣାସ୍ଥଳରେ ପହଞ୍ଚିଛନ୍ତି । ତେବେ ପାରିପାର୍ଶ୍ୱିକ ସ୍ଥିତିରୁ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ଘଟଣାର ସତ୍ୟାସତ୍ୟ ଜଣାପଡ଼ିବ ବୋଲି ସାଧାରଣରେ ଆଲୋଚନା ହେଉଛି । ଏ ନେଇ ପୋଲିସ ଅଧିକ ତଦନ୍ତ ଜାରି ରଖିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
