ବାରିପଦା: ମୟୁରଭଞ୍ଜ ଜିଲ୍ଲା ଖୁଣ୍ଟା ଥାନା ଅରିକୂଳ ଡ୍ୟାମରେ ଗାଧୋଇବା ବେଳେ ପାଣିରେ ବୁଡି ଜଣେ ଛାତ୍ର ମୃତ । ମୃତ ଛାତ୍ର ଜଣଙ୍କ ହେଲେ ଖୁଣ୍ଟା ଥାନା ଡୁକୁରା ଗ୍ରାମର ଶୁଭମ କୁମାର ବ୍ରହ୍ମ । ମୃତ ଛାତ୍ର ଜଣଙ୍କ ବାରିପଦା ଅଟୋନୋମସ ମହାବିଦ୍ୟାଳୟର ଯୁକ୍ତ ୩ ବିଜ୍ଞାନ ବିଭାଗର ଛାତ୍ର ।
ଗାଧୋଇବା ବେଳେ ଡ୍ୟାମରେ ବୁଡି ଛାତ୍ର ମୃତ
ସୂଚନାନୁଯାୟୀ ଶୁଭମ ଅନ୍ୟ ତିନି ଜଣ ସାଙ୍ଗ ମାନଙ୍କ ସହିତ ଅରିକୂଳ ଡ୍ୟାମକୁ ଗାଧୋଇବା ପାଇଁ ଯାଇଥିବା ବେଳେ ପାଣିରେ ବୁଡି ଯାଇଥିଲେ । ଏହା ଦେଖି ଅନ୍ୟ ସାଙ୍ଗମାନେ ଖୋଜାଖୋଜି କରିଥିଲେ ମଧ୍ୟ ପାଇ ନଥିଲେ । ଏହି ଘଟଣା ଜଣାପଡିବା ପରେ ସ୍ଥାନୀୟ ଲୋକେ ଡ୍ୟାମରୁ ଶୁଭମଙ୍କ ମୃତଦେହ ଉଦ୍ଧାର କରିଥିଲେ । ଘଟଣାସ୍ଥଳରେ ଖୁଣ୍ଟା ପୋଲିସ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଅଧିକ ତଦନ୍ତ ଜାରିରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
