ବାରିପଦା: ଦୀର୍ଘ ତିନି ମାସ ପରେ ଭକ୍ତଙ୍କ ପାଇଁ ଖୋଲିଛି ଧର୍ମାନୁଷ୍ଠାନ। ମହାମାରୀ କରୋନା ପାଇଁ ବନ୍ଦ ରହିଥିବା ମୟୂରଭଞ୍ଜ ଜିଲ୍ଲା ମଠ ଓ ମନ୍ଦିର ଶ୍ରଦ୍ଧାଳୁଙ୍କ ପାଇଁ ଆଜିଠାରୁ ଖୋଲାଯାଇଛି। ତେବେ ବାରିପଦାସ୍ଥିତ ଦ୍ବିତୀୟ ଶ୍ରୀ କ୍ଷେତ୍ର ରୂପେ ପରିଚିତ ଶ୍ରୀ ଶ୍ରୀ ହରିବଳଦେବ ଜୀଉଙ୍କ ମନ୍ଦିର ମଧ୍ୟ ଶ୍ରଦ୍ଧାଳୁଙ୍କ ପାଇଁ ଖୋଲାଯାଇଛି ।
କରୋନା ମହାମାରୀ ଯୋଗୁଁ ଦୀର୍ଘ ଦିନ ଧରି ମୟୂରଭଞ୍ଜ ଜିଲ୍ଲାର ସମସ୍ତ ମଠ ମନ୍ଦିର ବନ୍ଦ ପଡିଥିଲା । ତେବେ ରାଜ୍ୟ ସରକାର ରାଜ୍ୟର ସମସ୍ତ ମଠ ମନ୍ଦିର ଖୋଲିବାକୁ ଘୋଷଣା କରିବା ପରେ ଜିଲ୍ଲା ପ୍ରଶାସନକୁ ଜିଲ୍ଲାର ପରିସ୍ଥିତି ଦେଖି ମଠ ମନ୍ଦିର ଖୋଲିବାର ନିଷ୍ପତ୍ତି ନେବାକୁ କୁହାଯାଇଥଲା । ତେଣୁ ଆଜିଠାରୁ ଖୋଲିଲା ବାରିପଦାର ଦ୍ବିତୀୟ ଶ୍ରୀକ୍ଷେତ୍ର ଶ୍ରୀ ଶ୍ରୀ ହରିବଳଦେବଜୀଉଙ୍କ ମନ୍ଦିର ଓ ବାରିପଦାର ଅଧିଷ୍ଠିତ ଦେବୀ ମା’ ଅମ୍ବିକାଙ୍କ ଶକ୍ତିପୀଠ। ଏନେଇ ମନ୍ଦିର ସମସ୍ତ ସେବାୟତମାନେ ସରକାରଙ୍କୁ ଧନ୍ୟବାଦ ଜଣାଇଥିବାବେଳେ ଭକ୍ତଙ୍କ ମଧ୍ୟରେ ଖୁସିର ଭାବାବେଗ ସୃଷ୍ଟି ହୋଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
