ବାରିପଦା: କୋରୋନା ସଂକ୍ରମଣ ରୋକିବାକୁ ଦେଶରେ ଜାରି ରହିଛି ଲକ ଡାଉନ । ଫଳରେ ସରକାର ସମସ୍ତ ଧାର୍ମିକ ଅନୁଷ୍ଠାନରେ ଭକ୍ତଙ୍କ ପ୍ରବେଶ ଉପରେ ଲଗାଇଛନ୍ତି ରୋକ । ଯାହାର ସିଧାସଳଖ ପ୍ରଭାବ ପଡିଛି ମନ୍ଦିରର ପୂଜକ ଓ ସେବାୟତଙ୍କ ଉପରେ । ରୋଜଗାର ନପାଇ ହାତବାନ୍ଧି ବସିଛନ୍ତି ଜିଲ୍ଲାର ହଜାର ହଜାର ସେବାୟତ । ଭକ୍ତଙ୍କ ଦାନରେ ପରିବାର ପ୍ରତିପୋଷଣ କରୁଥିବା ସେବାୟତମାନେ ଆଗକୁ କେମିତି ଚଳିବେ ତାକୁ ନେଇ ଚିନ୍ତାରେ ।
ପେଟପାଟଣା ଚିନ୍ତାରେ ସେବାୟତ,ଆର୍ଥିକ ସହାୟତା ଦାବି
ତେବେ ଦ୍ବିତୀୟ ଶ୍ରୀକ୍ଷେତ୍ର କୁହାଯାଉଥିବା ହରିବଳଦେଵଜୀଉଙ୍କ ସେବାରେ ନିୟୋଜିତ ୮୦ ରୁ ଅଧିକ ସେବାୟତଙ୍କ ପରିବାର ଏବେ ଦୁର୍ଦ୍ଦିନରେ । ଏନେଇ ପ୍ରଶାସନକୁ ବହୁବାର ଅଭିଯୋଗ କରାଯାଇଥିଲେ ସୁଧା କୈଣସି ସୁଫଳ ମିଳି ନ ଥିବା ଅଭିଯୋଗ ହୋଇଛି ।ଯାହାକୁ ନେଇ ସେବାୟତ ମାନେ ଆର୍ଥିକ ସହାୟତା ଯୋଗାଇ ଦେବାକୁ ଜିଲ୍ଲାପାଳଙ୍କୁ ଦାବି କରିଛନ୍ତି ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିିଭି ଭାରତ
